ପ୍ରଥମ ଥର ପାଇଁ ଓଡ଼ିଆ ସିନେମା ‘ବୋଉ ବୁଟୁ ଭୂତ’ ବକ୍ସ ଅଫିସ୍‌ରେ ଝଡ଼ ସୃଷ୍ଟି କରିଛି ।  ସପ୍ତାହରେ ୭ କୋଟି କଲେକ୍ସନ ପାର୍ କରିଛି । ରଜରେ ରିଲିଜ୍ ହୋଇଥିବା  ତୃପ୍ତୀ ଶତପଥୀଙ୍କ ପ୍ରଯୋଜିତ ବାବୁଶାନ ମହାନ୍ତି ଏବଂ ଅପରାଜିତଙ୍କ ଅଭିନୀତ ଏହି ହରର୍ କମେଡି ଫିଲ୍ମରେ ଓଡ଼ିଆ ଦର୍ଶକକୁ ଏକ ଭିନ୍ନ ସ୍ବାଦ ଦେଇଛି । ଫଳରେ ପ୍ରଥମ ଦିନରେ ସିନେମା ୫୧.୨ ଲକ୍ଷରୁ ଅଧିକ ଟଙ୍କା ରୋଜଗାର କରିଛି । 

୨୦୨୪  ଦଶହରା ଅବସରରେ ଆସିଥିଲା ଅନୁଭବଙ୍କ ସିନେମା ‘କର୍ମ’ । ସେତେବେଳେ ଏହି ସିନେମା ପ୍ରଥମ ଦିନ ବକ୍ସ ଅଫିସ୍‌ କଲେକ୍ସନ୍‌ରେ ଇତିହାସ ରଚିଥିଲା । ‘କର୍ମ’ ୩୭.୨୦ ଲକ୍ଷ ରୋଜଗାର କରିଥିଲା । ହେଲେ ‘ବୋଉ ବୁଟୁ ଭୂତ’ ଦିନକରେ ୫୧.୨ ଲକ୍ଷ ରୋଜଗାର କରି ସବୁ ରେକର୍ଡ ଭାଙ୍ଗିଛି।

ବୋଉ-ବୁଟୁ-ଭୂତ ରିଲିଜର ପ୍ରଥମ ସପ୍ତାହରେ ୭କୋଟିରୁ ଅଧିକ ଆୟ କରିଛି । ନିର୍ମାତା ନିଜ ଇନଷ୍ଟାଗ୍ରାମରେ ଫିଲ୍ମର ସପ୍ତାହକର କଲେକ୍ସନର ଡାଟା ସେୟାର କରିଛନ୍ତି । ପୂର୍ବରୁ ଫିଲ୍ମର ଟ୍ରେଲରକୁ ଲୋକେ ବେଶ ପସନ୍ଦ କରିଥିବା ବେଳେ ଫିଲ୍ମକୁ ଉତ୍ସାହର ସହ ଅପେକ୍ଷା କରିଥିଲେ । ସାରା ଓଡ଼ିଶାର ବିଭିନ୍ନ ପ୍ରେକ୍ଷାଳୟରେ ୨୩୦ଟି ଶୋ’ ଲାଗିଛି । 

ଫିଲ୍ମର ଲିଡ୍‌ରେ ବାବୁଶାନଙ୍କ ବ୍ୟତୀତ ଅପରାଜିତା ମହାନ୍ତି ଏବଂ ଚୁଲବୁଲି ନାୟିକା ଅର୍ଚ୍ଚିତା ସାହୁଙ୍କ ଦମଦାର ଅଭିୟନ ଦେଖିବାକୁ ମିଳିଛି । ସେହିପରି ଅନ୍ୟାନ୍ୟ ଚରିତ୍ରରେ ଅଛନ୍ତି ଜଗନ୍ନାଥ ସେଠ୍, ଚୌଧୁରୀ ଜୟପ୍ରକାଶ ଦାସ, କେକେ, ରବି ମିଶ୍ର, ଅନୁଗୁଳିଆ ବଣ୍ଟି, ଉଦିତ୍ ଗୁରୁ ରହିଛନ୍ତି । 

Powered by Froala Editor