ଜୁନ ୧୨ରେ ଅହମଦାବାଦରେ ଘଟିଥିବାବିମାନ ଦୁର୍ଘଟଣା ସମୟରେ ସର୍ଦ୍ଦାର ବଲ୍ଲଭଭାଇ ପଟେଲ ଅନ୍ତର୍ଜାତୀୟ ବିମାନବନ୍ଦର ନିକଟରେ ଥିବା ଗୁଜୁରାଟୀ ଚଳଚ୍ଚିତ୍ର ନିର୍ମାତା ମହେଶ କଳାୱାଡିଆଙ୍କ ନିଖୋଜ ହେବା ଘଟଣା‌ ସାମ୍ନାକୁ ଆସିଥିଲା। ଏହାପରେ ଅଭିନେତାଙ୍କ ପରିବାର ଲୋକ ପୁଅକୁ ଖୋଜିବା ପାଇଁ ଡିଏନଏ ନମୁନା ଦାଖଲ କରିଥିଲେ।

ପୋଲିସ କହିଛି ଯେ ଡିଏନଏ ନମୁନା ମେଳ ଖାଇବା ଦ୍ୱାରା ନିଶ୍ଚିତ ହୋଇଛି ଯେ ଦୁର୍ଘଟଣା ପରେ ନିଖୋଜ ହୋଇଥିବା ମହେଶଙ୍କର ମଧ୍ୟ ଏହି ଦୁର୍ଘଟଣାରେ ମୃତ୍ୟୁ ହୋଇଥିଲା। ଡିଏନଏ ପରୀକ୍ଷା ପରେ ତାଙ୍କ ମୃତଦେହ ସମ୍ପର୍କୀୟଙ୍କୁ ହସ୍ତାନ୍ତର କରାଯାଇଛି। ଡିଏନଏ ନମୁନା ମେଳା ଖାଇବା ପ‌ରେ ମହେଶଙ୍କ ମୃତ୍ୟୁ ବିମାନ ଦୁର୍ଘଟଣା ପରେ ଘଟଣାସ୍ଥଳରେ ଲାଗିଥିବା ନିଆଁରେ ଜଳିଯିବା ହେତୁ ହୋଇଥିବା ସ୍ପଷ୍ଟ ହୋଇଛି।

ଜଣେ ଅଧିକାରୀ କହିଛନ୍ତି ଯେ ୩୪ ବର୍ଷୀୟ ଜିରାୱାଲା ତାଙ୍କ ଗାଡିରେ ସେହି ଅଞ୍ଚଳ ଦେଇ ଯାଉଥିଲେ, ଯେତେବେଳେ ବିମାନଟି ହଷ୍ଟେଲ ପରିସରରେ ଦୁର୍ଘଟଣାଗ୍ରସ୍ତ ହୋଇଥିଲା। ପରିବାର ଏପର୍ଯ୍ୟନ୍ତ ବିଶ୍ୱାସ କରିପାରୁ ନାହାଁନ୍ତି ଯେ ଜିରାୱାଲାଙ୍କ ମୃତ୍ୟୁ ହୋଇଛି। ଦୁର୍ଘଟଣାସ୍ଥଳରୁ ମିଳିଥିଲା ଗାଡ଼ି ମହେଶଙ୍କ ପରିବାରଲୋକଙ୍କୁ ହସ୍ତାନ୍ତର କରି ଦିଆଯାଇଛି।

ନରୋଦାର ବାସିନ୍ଦା ମହେଶ କଳାୱାଡିଆ ଜୁନ ୧୨ ତାରିଖ ଅପରାହ୍ନରେ ଲ ଗାର୍ଡେନ୍ ଅଞ୍ଚଳରେ ଜଣେ ପରିଚିତ ବ୍ୟକ୍ତିଙ୍କୁ ଭେଟିବାକୁ ଯାଇଥିଲେ। ଏହି ସମୟରେ ବିମାନ ଦୁର୍ଘଟଣା ହୋଇଥିଲା। ଏହି ଦୁର୍ଘଟଣାରେ ୨୪୧ ଜଣ ଯାତ୍ରୀ ଏବଂ ଭୂମିରେ ଅତି କମରେ ୨୯ ଜଣଙ୍କର ମୃତ୍ୟୁ ହୋଇଥିଲା।  

Powered by Froala Editor