ବୋହୂକୁ ୧୦ ଫୁଟ୍ ଗାତ କରି ପୋତି ଦେଲେ
ସୌରଭ-ମୁସ୍କାନ ହେଉ କିମ୍ବା ସୋନମ-ରାଜା ରଘୁବଂଶୀ ଉଭୟ ମାମଲା ହଇଚଇ ସୃଷ୍ଟି କରିଛି । ମାତ୍ର ନିକଟରେ ଫରିଦାବାଦରୁ ଆସିଥିବା ଏକ ମାମଲା ଭୟଭୀତ କରିଛି । ଏଠାରେ ଜଣେ ଯୁବତୀଙ୍କର ୨ ବର୍ଷ ପୂର୍ବରୁ ବିବାହ ହୋଇଥିଲା । ଶାଶୁ ଘର ଲୋକେ ତାଙ୍କୁ ହତ୍ୟା କରିବା ସହ ମୃତଦେହକୁ ଘରର ନିକଟ ଗଳିରେ ୧୦ ଫୁଟ୍ ଗାତ କରି ପୋତି ଦେଇଥିଲେ ।
ମହିଳାଙ୍କୁ ପୋତି ଦେବା ମାମଲାରେ, ପୋଲିସ ମୃତକଙ୍କ ଶ୍ୱଶୁର ଭୂପ ସିଂହଙ୍କୁ ଗିରଫ କରି ଦୁଇ ଦିନିଆ ରିମାଣ୍ଡରେ ନେଇଛି। ଏସିପି ସାରାଇ ରାଜେଶ କୁମାରଙ୍କ ଅନୁଯାୟୀ, ଉତ୍ତରପ୍ରଦେଶର ଶିକୋହାବାଦର ବାସିନ୍ଦା ତନୁଙ୍କ ବିବାହ ୨ ବର୍ଷ ପୂର୍ବେ ଫରୀଦାବାଦର ରୋଶନନଗରରେ ରହୁଥିବା ଅରୁଣଙ୍କ ସହ ହୋଇଥିଲା । ବିବାହ ପରଠାରୁ ଉଭୟଙ୍କ ମଧ୍ୟରେ ଫାଟ ସୃଷ୍ଟି ହୋଇଥିଲା। ପରିବାର ଲୋକଙ୍କ ଅଭିଯୋଗ ଅନୁଯାୟୀ ତନୁଙ୍କ ଶାଶୁଘର ତାଙ୍କୁ ହଇରାଣ କରୁଥିଲେ । ଲଗାତାର ସୁନା ଓ ନଗଦ ଟଙ୍କା ପାଇଁ ମଧ୍ୟ ଦାବି କରୁଥିଲେ ।
ଶ୍ୱଶୁର ଭୂପ ସିଂହ ୨୧ ଏପ୍ରିଲ ବିଳମ୍ବିତ ରାତିରେ ତନୁଙ୍କୁ ତାଙ୍କ ଦୁପଟାରେ ଗଳାଚିପି ହତ୍ୟା କରିଥିଲେ। ସେହି ସମୟରେ ତାଙ୍କ ପୁଅ ଅରୁଣ କୌଣସି ସ୍ଥାନକୁ ଯାଇଥିଲେ। ପତ୍ନୀ ସୋନିଆ ଏକ ବିବାହ ଉତ୍ସବରେ ଥିଲେ। ଝିଅ କାଜଲ ତଳ ମହଲାର ଏକ କୋଠରୀରେ କୁଲର ଚାଲୁ ରଖି ଶୋଇଥିଲେ। ସୁଯୋଗ ପାଇ ଭୂପ ସିଂହ ତନୁଙ୍କ କୋଠରୀରେ ପ୍ରବେଶ କରି ଏଭଳି ଅପରାଧ କରିଥିଲେ।
Powered by Froala Editor
