ଗଛ କରିଦେଲା ବାଟବଣା
ଭୁବନେଶ୍ୱର : ବରଗଡ଼ ଜିଲ୍ଲା ମେଲଛାମୁଣ୍ଡା ଥାନା ଅନ୍ତର୍ଗତ ଟାଳ ଗ୍ରାମର ବାପ ଟୁଟୁ ବରିହା ଏବଂ ଝିଅ ଚନ୍ଦ୍ରକାନ୍ତି ବରିହା ଜଙ୍ଗଲକୁ ଶାଗ ସଂଗ୍ରହ କରିବାକୁ ଯାଇ ବାଟବଣା ହୋଇ ୫ ଦିନ ଧରି ଜଙ୍ଗଲରେ ଘୂରି ବୁଲିବା ଘଟଣା ‘ବନାଲହ’କୁ ନେଇ ଚର୍ଚ୍ଚାର ଖୋରାକ ଯୋଗାଉଛି । କେଉଁ କାରଣରୁ ସେମାନେ ବାଟବଣା ହେଲେ ତାହା ସ୍ପଷ୍ଟ ହୋଇନଥିଲେ ବି ଜଙ୍ଗଲରେ ‘ବନାଲହ’ର ଅବସ୍ଥିତିକୁ ନେଇ ସନେ୍ଦହ ଦୃଢ଼ୀଭୂତ ହୋଇଛି । ଏନେଇ ବରଗଡ଼ ଜିଲ୍ଲାର ବରିଷ୍ଠ ଉଦ୍ଭିଦ ବିଜ୍ଞାନୀ ପାରେଶ୍ୱର ସାହୁଙ୍କ ମତରେ ବରଗଡ଼ ଜିଲ୍ଲାର ଘେଁସ ରେଞ୍ଜ ଗନ୍ଧମାର୍ଦ୍ଧନ ଓ ବାରପାହାଡ଼ ପର୍ବତଶ୍ରେଣୀରେ ଏପରି ଏକ ଲତା ବା ସର୍ବ ରହିଛି, ଯାହାର ସଂସ୍ପର୍ଶରେ ଆସିଲା କ୍ଷଣି ବାରିପାରେ ନାହିଁ କି ତାର ଗନ୍ତବ୍ୟ ପଥ ଚିହ୍ନଟ କରିପାରେ ନାହିଁ । ଫଳରେ ଜଙ୍ଗଲ ସାରା ସେ ଘୂରି ବୁଲିବାକୁ ବାଧ୍ୟ ହେଉଥିବା ବେଳେ ଏହାର ପ୍ରଭାବ ହଟିବା ପରେ ଲୋକଟି ନିଜର ସ୍ଥିତି ସମ୍ପର୍କରେ ଅବଗତ ହୋଇପାରିଥାଏ । ଯାହାକି ବନାଲହ ବା ଭୁଲେନ ଲହ ଭାବେ ପରିଚିତ । ବର୍ତ୍ତମାନର ଯୁବପିଢ଼ି ଏ ନେଇ ଜ୍ଞାତ ନଥିବାରୁ ଏ ନେଇ ପ୍ରଶିକ୍ଷଣ କରିବାର ସମୟ ଆସିଯାଇଛି ବୋଲତି ଶ୍ରୀ ସାହୁ ମତବ୍ୟକ୍ତ କରିଛନ୍ତି ।
Powered by Froala Editor
