ଖରାଦିନରେ ତ୍ୱଚାରେ ନାନା ସମସ୍ୟା ଦେଖା ଦେଇଥାଏ। ଏଥିରୁ ମୁକ୍ତି ପାଇବା ପାଇଁ ଆପଣାନ୍ତୁ କିଛି ଉପାୟ।

ପ୍ରଚୁର ପାଣି ପିଅନ୍ତୁ : ଖରାଦିନେ ଅଧିକ ସମୟ ବାହାରେ ବୁଲିଲେ ଶରୀରରୁ ଜଳୀୟଅଂଶ କମିଯାଇଥାଏ। ଫଳରେ ପାଣି ପିଇବା ନିହାତି ଜରୁରୀ। ଚା’ କଫିଠାରୁ ଦୂରେଇ ରୁହନ୍ତୁ। ଯେତେ ଅଧିକ ପାଣି ପିଇବେ ଶରୀର ପାଇଁ ସେତେ ଭଲ। ଏହା ଦ୍ୱାରା ଶରୀରରୁ ଅପରିଷ୍କାର ପଦାର୍ଥ ଝାଳ ଆକାରରେ ବୋହି ଯାଇଥାଏ। ଫଳରେ ତ୍ୱଚା ଭଲ ରହେ।

ଜଙ୍କ୍‌ଫୁଡ୍‌ଠାରୁ ଦୂରେଇ ରୁହନ୍ତୁ: ଜଙ୍କ୍‌ଫୁଡ ଖାଇଲେ ଏହା ତ୍ୱଚା ଉପରେ କୁପ୍ରଭାବ ପକାଇଥାଏ। ଫଳରେ ଯେତେ ସମ୍ଭବ ଏପରି ଖାଦ୍ୟଠାରୁ ଦୂରେଇ ରୁହନ୍ତୁ।

ମେକଅପ୍‌ ଲଗାଇ ଶୁଅନ୍ତୁ ନାହିଁ: ଖରାଦିନେ ହାଲ୍‌କା ମେକଅପ୍‌ ନିଅନ୍ତୁ। ମେକଅପ୍‌ ଲଗାଇ କେବେ ବି ଶୁଅନ୍ତୁ ନାହିଁ। ଏହା ଦ୍ୱାରା ତ୍ୱଚା ଲୋଚା ହେବାର ସମ୍ଭାବନା ଥାଏ।

ମଏଶ୍ଚରାଇଜ କରିବାକୁ ଭୁଲନ୍ତୁ ନାହିଁ : ଖରାଦିନେ ଅନ୍ତତଃପକ୍ଷେ ୨ ଥର ମଏଶ୍ଚରାଇଜ କରନ୍ତୁ। ଏହାଦ୍ୱାରା ମୁହଁରୁ ବ୍ରଣ ଦୂରେଇ ଯିବା ସହ ତ୍ୱଚା ଉଜ୍ଜ୍ୱଳ ଦିଶିବ।

ଭିଟାମିନ୍‌ ‘ସି’ ଯୁକ୍ତ ଖାଦ୍ୟ ଖାଆନ୍ତୁ : ତ୍ୱଚା ପାଇଁ ଭିଟାମିନ ‘ସି’ ଯୁକ୍ତ ଖାଦ୍ୟ ବହୁତ ଲାଭଦାୟକ। କମଳା, ଲେମ୍ବୁ, ଅଙ୍ଗୁର, ଟମାଟୋ ଆଦିରେ ପ୍ରଚୁର ପରିମାଣର ଭିଟାମିନ ‘ସି’ ରହିଛି। ଏହାକୁ ଖାଇବା ଦ୍ୱାରା ତ୍ୱଚାରେ ଚମକ ଆସିବା ସହ ଶରୀର ସୁସ୍ଥ ରହିଥାଏ।

ସନ୍‌ସ୍କ୍ରିନ୍‌ ବ୍ୟବହାର କରନ୍ତୁ : ଖରାଦିନେ ପ୍ରଦୂଷଣ ଏବଂ ସୂର୍ଯ୍ୟଙ୍କ କିରଣ ତ୍ୱଚା ପାଇଁ ବହୁ କ୍ଷତିକାରକ। ତେଣୁ ସନ୍‌ସ୍କ୍ରିନ ବ୍ୟବହାର କରିବା ନିହାତି ଆବଶ୍ୟକ। ସନ୍‌ସ୍କ୍ରିନ ଲୋଶନ ଲଗାଇବାକୁ ଆଦୌ ଭୁଲନ୍ତୁ ନାହିଁ।

Powered by Froala Editor