ଭାରତ-ପାକିସ୍ତାନ ମଧ୍ୟରେ ଚାଲିଥିବା ଉତ୍ତେଜନା ମଧ୍ୟରେ ଭାରତୀୟ ନୌସେନା ମଇଦାନକୁ ଓହ୍ଲାଇଛି। ଆରବ ସାଗରରେ ଅବସ୍ଥିତ ଆଇଏନଏସ ବିକ୍ରାନ୍ତ କରାଚୀକୁ ଟାର୍ଗେଟ କରି ଧ୍ୱଂସ ଆରମ୍ଭ କରିଛି। ନୌସେନାର ଆକ୍ରମଣ କରାଚୀ ବନ୍ଦର ସମେତ ସାରା ସହରରେ ଏକ ବିରାଟ ନିଆଁ ଲଗାଇ ଦେଇଛି ଯାହା ଫଳରେ ବ୍ୟାପକ ବିନାଶ ଘଟିଛି। ଭାରତୀୟ ନୌସେନା ନିଜର ଦମ୍ ଦେଖାଇବା ସହିତ କରାଚି ବନ୍ଦର ଉପରେ ଆଇଏନଏସ ବିକ୍ରାନ୍ତ ଜୋରଦାର ଆକ୍ରମଣ କରିଛି। ୮ରୁ ୧୨ଟି ସ୍ଥାନରେ ବିସ୍ଫୋରଣ ହୋଇଥିବା ସୂଚନା ମିଳିଛି। ଏହି ପଦକ୍ଷେପ ପାକିସ୍ତାନ ଉପରେ ଚାରିଆଡ଼ୁ ସାମରିକ ଚାପ ସୃଷ୍ଟି କରିବ।

ଭାରତର ସାମରିକ ରଣନୀତି ଏବେ ପାକିସ୍ତାନକୁ ବାୟୁ, ସ୍ଥଳ ଏବଂ ସମୁଦ୍ର ମାଧ୍ୟମରେ ଚାପରେ ରଖିଛି। ଜମ୍ମୁରେ ପାକିସ୍ତାନର ମିସାଇଲ ଏବଂ ଡ୍ରୋନ ଆକ୍ରମଣକୁ S-400 ଦ୍ୱାରା ବିଫଳ କରାଯାଇଛି, ଯେଉଁଥିରେ ଦୁଇଟି JF-17 ଏବଂ ଗୋଟିଏ F-16 ଯୁଦ୍ଧବିମାନ ମଧ୍ୟ ଖସାଯାଇଛି। ସ୍ଥଳଭାଗରେ, ପୁଞ୍ଚ, ରାଜୌରୀ, ତଙ୍ଗଧାର ଏବଂ କୁପୱାଡ଼ାରେ ଭାରୀ ଗୋଳାବାରୀ ଜାରି ରହିଛି, ଯେଉଁଥିରେ ଭାରତୀୟ ସେନା ପାକିସ୍ତାନୀ ପୋଷ୍ଟଗୁଡ଼ିକୁ ନିଶାନା କରୁଛି। ଏବେ ଆଇଏନଏସ ବିକ୍ରାନ୍ତର ମୁତୟନ ସମୁଦ୍ର ମାଧ୍ୟମରେ ପାକିସ୍ତାନର ନୌସେନା ଶକ୍ତିକୁ ମୁକାବିଲା କରିବାର ଏକ ପ୍ରମୁଖ ପଦକ୍ଷେପ।

Powered by Froala Editor