ଆରଡି: ହିନ୍ଦୁ ଦେବୋତ୍ତର ବିଭାଗ ଅଧିନରେ ଥିବା ଭଦ୍ରକ ଜିଲାର ପ୍ରସିଦ୍ଧ ଶୈବକ୍ଷେତ୍ର ଆରଡିଧାମର ବାବା ଆଖଣ୍ଡଳମଣିଙ୍କ ମନ୍ଦିରରେ ସମସ୍ୟା ଦିନକୁ ଦିନ ବଢିବାରେ ଲାଗିଛି। ବିଶେଷକରି ଦୀର୍ଘ ୧ବର୍ଷରୁ ଉର୍ଦ୍ଧ ହେବ ଟ୍ରଷ୍ଟବୋର୍ଡ ବୈଠକ ବସୁନଥିବାରୁ ମନ୍ଦିରର ଆୟବ୍ୟୟ ବାବଦରେ ଟ୍ରଷ୍ଟବୋର୍ଡର ସଭ୍ୟଙ୍କୁ ଅନ୍ଧାରରେ ରଖାଯାଉଥିବା ଜଣାପଡିଛି।

୨୦୨୨-୨୩ ବର୍ଷରେ ଦେବୋତ୍ତର ବିଭାଗ ପକ୍ଷରୁ ଗଠିତ ଟ୍ରଷ୍ଟବୋର୍ଡରେ ଭଦ୍ରକ ଉପଜିଲାପାଳ ମ୍ୟାନେଜିଙ୍ଗ ଟ୍ରଷ୍ଟି ଦାୟୀତ୍ବରେ ରହିଥିବା ବେଳେ କନିକାରାଜା ସାହେବଙ୍କ ପ୍ରତିନିଧି, ଚାନ୍ଦବାଲି ବିଧାୟକ, ସେବାୟତ ପ୍ରତିନିଧି, ଜନ ପ୍ରତିନିଧିଙ୍କୁ ନେଇ ଏକ ୫ଜଣିଆ କମିଟ ରହିଛି। ଏମାନଙ୍କ ଗୋଚରରେ ମନ୍ଦିରର ସମସ୍ତ ଆୟବ୍ୟୟର ହିସାବ ରହିବା ସହ ପର୍ବପର୍ବାଣୀ କିପରି ଭାବେ ପାଳନ ହେବ ତାହା ଟ୍ରଷ୍ଟବୋର୍ଡ ନିଷ୍ପତ୍ତି କ୍ରମେ କରାଯିବା କଥା। ଏପରିକି ଲକ୍ଷାଧିକ ଟଙ୍କା ଖର୍ଚ୍ଚ କରିବାକୁ ହେଲେ ଦେବୋତ୍ତର କମିସନରଙ୍କ ଅନୁମତି ନେବାର ଆଇନ ରହିଛି। ହେଲେ ଦୀର୍ଘ ୧ବର୍ଷ ହେବ ଟ୍ରଷ୍ଟବୋର୍ଡ ବୈଠକ ବସିବା ତ ଦୂରର କଥା ମନ୍ଦିରର ଯାହାକିଛି ପର୍ବପର୍ବାଣୀରେ ଖର୍ଚ୍ଚ ହେଉଛି ଟ୍ରଷ୍ଟବୋର୍ଡର ସଭ୍ୟଙ୍କୁ ଅନ୍ଧାରରେ ରଖାଯାଉଥିବା କହିଛନ୍ତି ସେବାୟତ ପ୍ରତିନିଧି ସନ୍ତୋଷ ପାଢୀ, ଜନ ପ୍ରତିନିଧି ସରୋଜ ଦାସ ଓ ଚାନ୍ଦବାଲି ବିଧାୟକ ବ୍ୟୋମକେଶ ରାୟ।

Powered by Froala Editor