ଟ୍ରକ ଧକ୍କାରେ ଚାଲିଗଲା ବ୍ୟକ୍ତିଙ୍କ ଜୀବନ
ଗୋପାଳପୁର: ଜାତୀୟ ରାଜପଥ ନଂ ୧୬ରେ ପୁଣି ଜଣେ ବ୍ୟକ୍ତିଙ୍କ ଟ୍ରକ ଧକ୍କାରେ ଧକ୍କାରେ ମୃତ୍ୟୁ ଘଟିଛି। ଗୋଳନ୍ଥରା ଥାନା ଅନ୍ତର୍ଗତ ଗୋଳନ୍ଥରା ସନ୍ନିକଟ ଏକ ପେଟ୍ରୋଲ ପମ୍ପ ସମ୍ମୁଖ ଜାତୀୟ ରାଜପଥ ପାର ହେଉଥିବା ବେଳେ ପାରଳାଖେମୁଣ୍ଡିଠାରେ ଥିବା ସେଞ୍ଚୁରିଆନ ବିଶ୍ୱବିଦ୍ୟାଳୟର ପ୍ରଶାସନିକ ଅଧିକାରୀ ତଥା ଗଜପତି ଜିଲ୍ଲା ପାଟିକୁଟା ରଏସ ଫାଲଗୁନ ରାଓ(୪୮)ଙ୍କ ଏକ ଟ୍ରକ ଧକ୍କାରେ ମୃତ୍ୟୁ ଘଟିଛି। ଶ୍ରୀ ରାଓ କାର ଯୋଗେ ପାରଳାଖେମୁଣ୍ଡିରୁ ଭୁବନେଶ୍ବର ଯାଉଥିବା ବେଳେ ସକାଳ ୭ଟା ବେଳେ ଗୋଳନ୍ଥରା ପେଟ୍ରୋଲ ପମ୍ପ ସମ୍ମୁଖରେ କାରରୁ ଓହ୍ଲାଇ ରାସ୍ତା ପାର ହେଉଥିବା ବେଳେ ଏକ ଟ୍ରକ ଧକ୍କା ଦେଇ ଘଟଣାସ୍ଥଳରୁ ଫେରାର ହୋଇଯାଇଥିଲା। ଦୁର୍ଘଟଣା ଏତେ ଭୟଙ୍କର ରହିଥିଲା ଯେ ଶ୍ରୀ ରାଓଙ୍କ ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା। ଖବର ପାଇ ଗୋଳନ୍ଥରା ପୁଲିସ ଘଟଣାସ୍ଥଳରେ ପହଞ୍ଚି ଶ୍ରୀରାଓଙ୍କ ମୃତଦେହକୁ ବ୍ରହ୍ମପୁର ବଡ ମେଡିକାଲ ପଠାଇଥିଲେ। ଘଟଣା ନେଇ ଶ୍ରୀ ରାଓଙ୍କ ଭାଇ ଏସ ଲିଙ୍ଗରାଜଙ୍କ ପକ୍ଷରୁ ଥାନାରେ ଲିଖିତ ଅଭିଯୋଗ କରାଯାଇଛି। ଅଭିଯୋଗକୁ ଭିତ୍ତି କରି ପୁଲିସ ପକ୍ଷରୁ ୧୭୧/୨୪ରେ ଏକ ମାମଲା ରୁଜୁ କରିବା ସହ ତଦନ୍ତ କରୁଥିବା ସହ ମୃତଦେହ ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଛି।
Powered by Froala Editor
