୪ ମହଲା କୋଠା ଭୁଶୁଡ଼ି ୪ ଜଣଙ୍କର ମୃତ୍ୟୁ
ରାଜଧାନୀ ଦିଲ୍ଲୀର ମୁସ୍ତଫାବାଦରେ ଏକ ୪ ମହଲା କୋଠା ଭୁଶୁଡ଼ି ପଡ଼ିଛି। ଏଥିରେ ୪ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ଆଉ କିଛି ଲୋକ ଭଗ୍ନାବଶେଷ ତଳେ ଚାପି ହୋଇ ରହିଥିବା ଆଶଙ୍କା କରାଯାଉଛି।
ପୋଲିସ ସୂଚନାନୁଯାୟୀ, ଏନ୍ଡିଆର୍ଏଫ୍, ଅଗ୍ନିଶମ କର୍ମଚାରୀ ଏବଂ ଦିଲ୍ଲୀ ପୋଲିସର ଉଦ୍ଧାରକାରୀ ଟିମ୍ ଘଟଣାସ୍ଥଳରେ ପହଞ୍ଚିଛ ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ପୋଲିସ ଆହୁରି କହିଛି, ସେମାନେ କୋଠା ଭୁଶୁଡ଼ିବା କାରଣ ଖୋଜୁଛନ୍ତି।
ଶନିବାର ଭୋର୍ ପାଖାପାଖି ୩ଟା ବେଳେ ୪ ମହଲା ବିଶିଷ୍ଟ କୋଠା ଭୁଶୁଡି ପଡିଥିଲା। ୧୪ ଜଣଙ୍କୁ ଉଦ୍ଧାର କରାଯାଇଥିବାବେଳେ ସେମାନଙ୍କ ମଧ୍ୟରୁ ୪ ଜଣଙ୍କର ମୃତ୍ୟୁ ଘଟିଥିବା ସୂଚନା ମିଳିଛି। ତେବେ କେମିତି ଏବଂ କେଉଁ ପରିସ୍ଥିତିରେ ଏଭଳି ଅଘଟଣ ଘଟିଲା ତାହା ଅସ୍ପଷ୍ଟ ରହିଛି।
ଜଣେ ସ୍ଥାନୀୟ ବାସିନ୍ଦାଙ୍କ ଦ୍ୱାରା ଶେୟାର କରାଯାଇଥିବା CCTV ଫୁଟେଜରେ, ଭୁଶୁଡ଼ିବାର ସଠିକ ମୁହୂର୍ତ୍ତ ବା ସମୟ କଏଦ ହୋଇଛି। କୋଠା ଭୁଶୁଡ଼ିବା ପରେ, ପ୍ରବଳ ପବନ ଏବଂ ଧୂଳି ଉଡ଼ୁଥିବାର ଦେଖାଯାଉଛି।
Powered by Froala Editor
