କଳା ମାଟିରେ ଚେନ୍ନଇ ପିଚ
ଚେନ୍ନଇ: ଆଇପିଏଲର ଚଳିତ ସଂସ୍କରଣ ଶୁକ୍ରବାରରୁ ଆରମ୍ଭ ହୋଇଛି । ଚଳିତ ସଂସ୍କରଣର ପ୍ରାରମ୍ଭିକ ପର୍ଯ୍ୟାୟର ୧୦ଟି ମ୍ୟାଚ ଚେନ୍ନଇର ଏମଏ ଚିଦମ୍ବରମ ଷ୍ଟାଡିୟମରେ ଖେଳାଯିବ । ୧୦ଟି ଯାକ ମ୍ୟାଚ ପାଇଁ କଳା ମାଟିର ପିଚ ପ୍ରସ୍ତୁତ ହୋଇଥିବା ତାମିଲନାଡୁ କି୍ରକେଟ ଆସୋସିଏସନ ତରଫରୁ ଗଣମାଧ୍ୟମକୁ ସୂଚନା ଦିଆଯାଇଛି । ସୂଚନା ଥାଉ କି ଭାରତ ଓ ଇଂଲଣ୍ଡ ମଧ୍ୟରେ ଖେଳାଯାଇଥିବା ଟେଷ୍ଟ ସିରିଜର ପ୍ରଥମ ଦୁଇଟି ମ୍ୟାଚ ଏହି ଷ୍ଟାଡିୟମରେ ଆୟୋଜିତ ହୋଇଥିଲା । ପ୍ରଥମ ଟେଷ୍ଟ ମ୍ୟାଚର ପିଚ ପ୍ରସ୍ତୁତ ନିମନ୍ତେ ନାଲି ମାଟି ବ୍ୟବହୃତ ହୋଇଥିଲା । ଯାହାକୁ ନେଇ କି୍ରକେଟ ଆସୋସିଏସନ ବେଶ ସମାଲୋଚିତ ହୋଇଥିଲା । ଦ୍ୱିତୀୟ ଟେଷ୍ଟ ମ୍ୟାଚ କଳା ମାଟିରେ ପ୍ରସ୍ତୁତ ପିଚରେ ଖେଳାଯାଇଥିଲା । ଆଇପିଏଲର ଚଳିତ ସଂସ୍କରର ନିମନ୍ତେ ମୁମ୍ବାଇ ଇଣ୍ଡିଆନ୍ସ, ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର, ସନରାଇଜର୍ସ ହାଇଦ୍ରାବାଦ ଓ କଲକାତା ନାଇଟ ରାଇଡର୍ସ ଦଳ ଚେନ୍ନାଇରେ ପ୍ରାରମ୍ଭିକ ପର୍ଯ୍ୟାୟ ମ୍ୟାଚ ଖେଳିବେ । କଳା ମାଟିରେ ପ୍ରସ୍ତୁତ ପିଚ ସ୍ପିନର ମାନଙ୍କୁ ଅଧିକ ସହାୟତା ପ୍ରଦାନ କରିବା ସମ୍ଭାବନା କମ୍ ।
