ଏପ୍ରିଲ, ମେ’ ଓ ଜୁନ୍ ଜାଳିବ
ରାଜ୍ୟର କିଛି ଜିଲ୍ଲାରେ ବର୍ତ୍ତମାନ ବର୍ଷା ହେଉଛି । ୧୦ ତାରିଖ ଯାଏ ଏଭଳି ଘଡଘଡି ସହ ବର୍ଷା ଜାରି ରହିବ । କିନ୍ତୁ ଏପ୍ରିଲ, ମେ ଓ ଜୁନ୍ ମାସରେ ଓଡ଼ିଶାବାସୀ ଛଟପଟ ହେବେ ବୋଲି ଆକଳନ କରାଯାଇଛି ।
ଭାରତୀୟ ପାଣିପାଗ ବିଭାଗ (IMD)ର ମହାନିର୍ଦ୍ଦେଶକ ଡକ୍ଟର ମୃତ୍ୟୁଞ୍ଜୟ ମହାପାତ୍ର ଶନିବାର କହିଛନ୍ତି ଯେ ଏଥର ମୌସୁମୀ ଋତୁରେ ଏଲ ନିନୋ ପରିସ୍ଥିତି ସୃଷ୍ଟି ହେବ ନାହିଁ, ଯାହା କାରଣରୁ ଏପ୍ରିଲରୁ ଜୁନ ପର୍ଯ୍ୟନ୍ତ ସ୍ବାଭାବିକ ଅପେକ୍ଷା ଅଧିକ ଗରମ ରହିବ।
ଆଇଏମଡି ଅନୁଯାୟୀ, ଏପ୍ରିଲ-ଜୁନ ମାସରେ ମହାରାଷ୍ଟ୍ର, ତାମିଲନାଡୁ, ରାଜସ୍ଥାନ, ପଶ୍ଚିମବଙ୍ଗ, ଓଡ଼ିଶା, ଗୁଜରାଟ, ହରିୟାଣା, ପଞ୍ଜାବ, ମଧ୍ୟପ୍ରଦେଶ, ଉତ୍ତର ପ୍ରଦେଶ, ବିହାର, ଝାଡ଼ଖଣ୍ଡ, ଛତିଶଗଡ଼, ତେଲଙ୍ଗାନା, ଆନ୍ଧ୍ର ପ୍ରଦେଶ ଏବଂ ଉତ୍ତର କର୍ନାଟକରେ ଅଧିକ ହିଟୱେଭ ଦିନ ରହିବ।
ଏହି ବର୍ଷ, ରାଜସ୍ଥାନ ଏବଂ ଗୁଜରାଟ ସମେତ ଅନେକ ରାଜ୍ୟରେ ସମୟ ପୂର୍ବରୁ ଗରମ ପ୍ରବାହ ଦେଖାଦେଇଥିଲା। ସାଧାରଣତଃ ପ୍ରତିବର୍ଷ ମେ-ଜୁନ ମାସରେ ପ୍ରବଳ ଗରମ ପଡ଼ିଥାଏ, କିନ୍ତୁ ଏଥର ମାର୍ଚ୍ଚ ଶେଷ ସପ୍ତାହରୁ ଲୋକମାନେ ଗରମରେ ଛଟପଟ ହେବା ଆରମ୍ଭ କରିଛନ୍ତି। ଏହି ସମୟରେ, ପାଣିପାଗ ବିଭାଗ ସତର୍କ କରାଇ ଦେଇଛି ଯେ ଏଥର ସ୍ବାଭାବିକ ଅପେକ୍ଷା ଅଧିକ ଗରମ ହେବ।
Powered by Froala Editor
