ସୁଟିଂ ସାରି କୋରାପୁଟ୍ରୁ ଫେରିଲେ ରାଜାମୌଲିଙ୍କ ଟିମ୍
‘ଏସଏସଏମବି-୨୯’ ସୁଟିଂ ଶେଷ କରି ପ୍ରଖ୍ୟାତ ନିର୍ଦ୍ଦେଶକ ଏସ ଏସ ରାଜାମୌଳୀ, ଅଭିନେତା ମହେଶ ବାବୁ ଓ ବଲିଉଡର ଦେଶୀ ଗାର୍ଲ୍ ପ୍ରିୟଙ୍କା ଚୋପ୍ରା କୋରାପୁଟରୁ ବିଦାୟ ନେଇଛନ୍ତି। ଫେରିବା ପୂର୍ବରୁ ଏକ ବିଦାୟକାଳୀନ ସଭା ଭଳି ସୃଷ୍ଟି ହୋଇଥିଲା ସୁଟିଂ ସେଟ୍ରେ। ତଲମାଲି ଠାରେ ଜିଲ୍ଲା ପ୍ରଶାସନ ପକ୍ଷରୁ ଜୟପୁର ଉପଜିଲ୍ଲାପାଳ ଆକବରମା ସସ୍ୟା ରେଡ୍ଡୀଙ୍କ ସମେତ ପ୍ରଶାସନିକ ଅଧିକାରୀ, ବରିଷ୍ଠ ପୁଲିସ ଅଧିକାରୀ, ସ୍ଥାନୀୟ ବିଧାୟକ ତଥା କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡ଼ାମଙ୍କ ସମେତ ସ୍ଥାନୀୟ ବାସିନ୍ଦା ସେମାନଙ୍କୁ ବିଦାୟ ସମ୍ବର୍ଦ୍ଧନା ଦେଇଥିଲେ।
ବଡ଼ ବଜେଟ୍ରେ ନିର୍ମାଣ ହେଉଥିବା ବହୁଭାଷୀ ଚଳଚ୍ଚିତ୍ର ଏସ୍ଏସ୍ଏମ୍ବି-୨୯ ଚଳଚ୍ଚିତ୍ରର ସୁଟିଂ କୋରାପୁଟ ଜିଲ୍ଲାରେ ଆରମ୍ଭ ହୋଇଥିଲା। ଏଥିପାଇଁ ବିଶାଳ ସେଟ୍ ନିର୍ମାଣ ହୋଇଥିଲା। ଆକ୍ସନ୍ ଏବଂ ଥ୍ରିଲର୍ ସିନେମା ନିମନ୍ତେ ବହୁ ପୂର୍ବରୁ ପ୍ରଯୋଜନା ସଂସ୍ଥା ଉକ୍ତ ସାଇଟ୍କୁ ଚୟନ କରିଥିଲା। ଜିଲ୍ଲା ପ୍ରଶାସନ ନିକଟରୁ ଅନୁମତି ନେବା ପରେ ଫିଲ୍ମ ୟୁନିଟ୍ର ସଦସ୍ୟମାନେ ପହଞ୍ଚି ସେଟ୍ ନିର୍ମାଣ ଆରମ୍ଭ କରିଥିଲେ।
ଫିଲ୍ମ ସୁଟିଂକୁ ନେଇ ଚଳଚଞ୍ଚଳ ଥିଲା କୋରାପୁଟ ଜିଲାର ତଲମାଳି, ଦେଓମାଳି । ଫିଲ୍ମ ଟିମ୍ ପକ୍ଷରୁ ନିର୍ଦ୍ଦେଶକ ରାଜାମୌଲୀ, ଅଭିନେତ୍ରୀ ପ୍ରିୟଙ୍କା ଚୋପ୍ରା ନିଜ ହାତ ଲେଖାରେ କୋରାପୁଟର ଅପୂର୍ବ ସୋନ୍ଦର୍ଯ୍ୟ ଏବଂ ସ୍ଥାନୀୟ ବାସିନ୍ଦାଙ୍କ ଆଥିତ୍ୟତାକୁ ଭୁଲି ହେବନି ବୋଲି ଜଣାଇଛନ୍ତ।
ସୂଚନାଯୋଗ୍ୟ, ରାଜ୍ୟରେ ବର୍ତ୍ତମାନ ବିଗ୍ ବଜେଟ ଫିଲ୍ମ ମାନ ସୁଟିଂ ହେବାରେ ଲାଗିଛି । ନିକଟରେ ‘ପୁଷ୍ପା -୨’ ମାଲକାନଗିରି ଜିଲାରେ ସୁଟିଂ ହୋଇଥିବା ବେଳେ ବର୍ତ୍ତମାନ କୋରାପୁଟରେ ବର୍ତ୍ତମାନ ସାଉଥର ଲୋକପ୍ରିୟ ନିର୍ଦ୍ଦେଶକ ଏସ୍ଏସ୍ ରାଜାମୌଲୀ, ସୁପରଷ୍ଟାର ମହେଶ ବାବୁ ଏବଂ ଗ୍ଲୋବାଲ ଷ୍ଟାର ପ୍ରିୟଙ୍କା ଚୋପ୍ରା ତାଙ୍କ ଆଗାମୀ ଫିଲ୍ମ ‘SSMB-29’ ସୁଟିଂ ସାରି ଫେରିଛନ୍ତି।
Powered by Froala Editor
