ଲେଗ ସ୍ପିନର ଚହଲ ଶତକୀୟ ମ୍ୟାଚରେ ବିଫଳ
ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ସ୍ପିନର ୟୁଜବେନ୍ଦ୍ର ଚହଲ ଶୁକ୍ରବାର ଆଇପିଏଲରେ ନିଜର ୧୦୦ ତମ ମ୍ୟାଚ ଖେଳିଛନ୍ତି । ଚେନ୍ନାଇର ଏମଏ ଚିଦାମ୍ବରମ ଷ୍ଟାଡିୟମରେ ଖେଳାଯାଇଥିବା ମୁମ୍ବାଇ ଇଣ୍ଡିଆନ୍ସ ବିପକ୍ଷ ଚଳିତ ଆଇପିଏଲରେ ଉଦଘାଟନୀ ମ୍ୟାଚରେ ସେ ଏହି ମାଇଲଖୁଣ୍ଟ ଛୁଇଁଥିଲେ । ହେଲେ ଏହି ଡାହାଣହାତୀ ଲେଗ ସ୍ପିନର ନିଜର ଶତକୀୟ ମ୍ୟାଚରେ ଆଖି ଦୃଶିଆ ପ୍ରଦର୍ଶନ କରିବାରେ ବିଫଳ ହୋଇଛନ୍ତି । ଏହି ମ୍ୟାଚରେ ସେ ୪ ଓଭରରେ ୪୧ ରନ ବ୍ୟୟ କରିଥିଲା ବେଳେ ୱିକେଟ ଶୂନ୍ୟ ରହିଥିଲେ । ୨୦୧୩ ରେ ମୁମ୍ବାଇ ଆଇପିଏଲ ପଦାର୍ପଣ କରିଥିବା ଚହଲ ଆରସିବି ପକ୍ଷରୁ ୯୯ ମ୍ୟାଚ ଖେଳିଛନ୍ତି । ଏହି ଧନି କି୍ରକେଟ ଲିଗରେ ସେ ୧୨୧ ୱିକେଟ ନେଇଥିବା ବେଳେ ଗତ ବର୍ଷ ୨୧ ୱିକେଟ ଅକ୍ତିଆର କରିଥିଲେ ।
