ସଙ୍ଗରୋଧ ପରେ ଗେଲଙ୍କ ‘ମୁନ ୱାକ’
ମୁମ୍ବାଇ: ଆଇପିଏଲ ଚତୁର୍ଦ୍ଧଶ ସଂସ୍କରଣ ଆରମ୍ଭ ପୂର୍ବରୁ ପଞ୍ଜାବ କିଙ୍ଗସ ବ୍ୟାଟସମ୍ୟାନ କି୍ରସ ଗେଲ ବାଧ୍ୟତାମୂଳକ ୭ ଦିନିଆ ସଙ୍ଗରୋଧ ଶେଷ କରିଛନ୍ତି । ଏହି ୟୁନିଭର୍ସ ବସ ସଙ୍ଗରୋଧ ଶେଷ କରିବା ପରେ ଦିବଙ୍ଗତ ପପ କିମ୍ବଦନ୍ତି ମାଇକେଲ ଜ୍ୟାକସନଙ୍କ ପ୍ରସିଦ୍ଧ ସଙ୍ଗୀତ ‘ସ୍ମୁଥ କି୍ରମିନାଲ’ ମୁନ ୱାକ କରିଥିଲେ । ଗେଲଙ୍କ ଏହି ଭିଡିଓକୁ ପଞ୍ଜାବ କିଙ୍ଗସ ତା’ଟ୍ୱିଟର ପୃଷ୍ଠାରେ ପୋଷ୍ଟ କରିଥିଲା । ଯେଉଁଥିରେ ଗେଲ ପ୍ରତି ଷ୍ଟେପ ତର୍ଜମା କରି ସଙ୍ଗୀତରେ ତାଳ ପକାଉଥିବାର ଦେଖାଯାଇଛି । ଏହାର ଶିରୋନାମାରେ ପଞ୍ଜାବ କିଙ୍ଗସ ଲେଖିଛି ‘ସଙ୍ଗରୋଓ ଖେଳ ଶେଷ, ବାହାରକୁ ଆସିଲେ ତୁହାତେ ପସନ୍ଦ-କି୍ରସ ଗେଲ’ । ଗେଲ ପଞ୍ଜାବ ଦଳର ତାରକା ବ୍ୟାଟସମ୍ୟାନ । ଗତ ସଂସ୍କରଣରେ ସେ ୭ ମ୍ୟାଚ ଖେଳି ୨୮୮ ରନ କରିଥିଲେ । ତାଙ୍କ ନାଁରେ ମଧ୍ୟ ଏହି ଧନି କି୍ରକେଟ ଲିଗରେ ସର୍ବାଧିକ ଛକା ୩୪୯ ମାରିବାର କୀର୍ତ୍ତିମାନ ରହିଛି ।
