ପୂର୍ବତନ ତାମିଲନାଡୁ ମୁଖ୍ୟମନ୍ତ୍ରୀ ଜେ. ଜୟଲଳିତାଙ୍କ ଆୟ ବହିର୍ଭୂତ ସମ୍ପତ୍ତି ମାମଲାରେ ଜବତ ହୋଇଥିବା ଜିନିଷପତ୍ର ରାଜ୍ୟ ସରକାରଙ୍କୁ ଆନୁଷ୍ଠାନିକ ଭାବରେ ହସ୍ତାନ୍ତର କରାଯାଇଛି। ଶୁକ୍ରବାର କର୍ଣ୍ଣାଟକ ସ୍ୱତନ୍ତ୍ର କୋର୍ଟ ଗହଣାସବୁକୁ ତାମିଲନାଡ଼ୁ ସରକାରଙ୍କୁ ହସ୍ତାନ୍ତର କରିଛନ୍ତି ।

କର୍ଣ୍ଣାଟକ କର୍ତ୍ତୃପକ୍ଷଙ୍କ ହେପାଜତରେ ଥିବା ଜବତ ସମ୍ପତ୍ତିରେ ୨୭ କିଲୋ ୫୫୮ ଗ୍ରାମ ସୁନା ଅଳଙ୍କାର, ୧,୧୧୬ କିଲୋ ରୁପା ଏବଂ ୧,୫୨୬ ଏକର ଜମି ସହିତ ଜଡିତ କାଗଜପତ୍ର ଅନ୍ତର୍ଭୁକ୍ତ। ଏହି ମୂଲ୍ୟବାନ ଜିନିଷପତ୍ର କର୍ନାଟକ ବିଧାନ ସୌଧ କୋଷାଗାରରେ ସଂରକ୍ଷିତ ଥିଲା ଏବଂ କୋର୍ଟ ଏବଂ ସରକାରୀ ଅଧିକାରୀଙ୍କ ଉପସ୍ଥିତିରେ ବିଧିବଦ୍ଧ ଭାବେ ହସ୍ତାନ୍ତର କରାଯାଇଥିଲା।

ଗତ ସପ୍ତାହରେ ଜୟଲଳିତାଙ୍କ ଆଇନଗତ ଉତ୍ତରାଧିକାରୀମାନେ କର୍ନାଟକ ହାଇକୋର୍ଟର ଏକ ଆଦେଶକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟରେ ଆବେଦନ କରିଥିଲେ ଯେଉଁଥିରେ ଏହା ଆୟ ବହିର୍ଭୂତ ସମ୍ପତ୍ତି ମାମଲାରେ ଜବତ ହୋଇଥିବା ପୂର୍ବତନ ଏଆଇଏଡିଏମ୍‌ଙ୍କ ମୁଖ୍ୟଙ୍କ ସମ୍ପତ୍ତି ଫେରାଇବାକୁ ମନା କରିଦେଇଥିଲା।

ସରକାରୀ ଡକ୍ୟୁମେଣ୍ଟ ଅନୁସାରେ ଜୟଲଳିତାଙ୍କ ୨୭ କେଜି ୫୫୮ ଗ୍ରାମ ସୁନା ଅଳଙ୍କାର ଏବଂ ୧,୧୧୬ କେଜି ସିଲଭର ସାଙ୍ଗକୁ ୧୫୨୬ ଏକର ଜମିର ମାଲିକାଣୀ ହେଉଛନ୍ତି ଜୟଲଳିତା । ଏ ସମ୍ପତ୍ତି ସବୁ କର୍ଣ୍ଣାଟକ ବିଧାନ ସୌଧ ଟେଜେରିରେ ରଖାଯାଇଥିଲା । ସରକାରୀ କର୍ମଚାରୀ ଏବଂ କୋଟଙ୍କ ଉପସ୍ଥିତିରେ ଏହି ଟ୍ରେଜେରିକୁ ଖୋଲାଯାଇଥିଲା ।

ସମ୍ପତ୍ତି ସବୁ ସରକାରଙ୍କୁ ହସ୍ତାନ୍ତର କରିବା ସମୟରେ ପ୍ରତ୍ୟେକ ଜିନିଷର ଫଟୋ ଉତ୍ତୋଳନ କରାଯାଇ ରଖାଯାଇଛି । ଜୟଲଳିତାଙ୍କ ସମ୍ପତ୍ତିର ହସ୍ତାନ୍ତର ପାଇଁ ସୁପ୍ରିମ କୋର୍ଟରେ ତାଙ୍କ ଝିଆରୀ ଆବେଦନ କରିଥିଲେ । କିନ୍ତୁ ଝିଆରୀଙ୍କ ଆବେଦନକୁ କୋର୍ଟ ପକ୍ଷରୁ ଖାରଜ କରିଦିଆଯାଇଥିଲା ।

Powered by Froala Editor