ମହାମଣ୍ଡଳେଶ୍ୱର ପଦରୁ ଇସ୍ତଫା ଦେଇ ଭିଡିଓ ବାର୍ତ୍ତା ଦେଲେ ମମତା
କିନ୍ନର ଆଖଡ଼ା ମହାମଣ୍ଡଳେଶ୍ଵର ପଦବୀରୁ ଇସ୍ତଫା ଦେଇଛନ୍ତି ମମତା କୁଲକର୍ଣ୍ଣି। ତାଙ୍କ ନିଯୁକ୍ତିକୁ ନେଇ ବିବାଦ ଆରମ୍ଭ ହେବା ପରେ ସେ ଏହି ପଦବୀରୁ ଇସ୍ତଫା ଦେଇଛନ୍ତି। ମମତା କୂଲକର୍ଣ୍ଣୀ କହିଛନ୍ତି, “ମୁଁ ମହାମଣ୍ଡଳେଶ୍ୱର, ୟାମାଇ ମମତା ନନ୍ଦଗିରୀ, ମୁଁ ଏହି ପଦରୁ ଇସ୍ତଫା ଦେଉଛି। ମୋତେ ମହାମଣ୍ଡଳେଶ୍ୱରର ସମ୍ମାନ ଦିଆଯାଇଥିଲା। ହେଲେ କିଛି ଲୋକଙ୍କ ପାଇଁ ଏହା ସମସ୍ୟା ସାଜିଛି। କିନ୍ନର ଆଖଡ଼ା ମଧ୍ୟରେ ଆଭ୍ୟନ୍ତରୀଣ ବିବାଦ ଯୋଗୁ ସେ ଇସ୍ତଫା ଦେଇଥିବା କହିଛନ୍ତି।
କିଛିଦିନ ତଳେ ମମତା ମହାକୁମ୍ଭକୁ ଯାଇଥିବା ସମୟରେ ତାଙ୍କୁ କିନ୍ନର ଆଖଡ଼ାର ଆଚାର୍ଯ୍ୟ ମହାମଣ୍ଡଳେଶ୍ଵର ଲକ୍ଷ୍ମୀ ନାରାୟଣ ତ୍ରିପାଠୀ ଉକ୍ତ ପଦବୀରେ ନିଯୁକ୍ତ କରାଥିଲେ। ଏହାକୁ ନେଇ ବିବାଦ ଆରମ୍ଭ ହୋଇଥିଲା। ଆଖଡ଼ାର ପ୍ରତିଷ୍ଠାତା ଋଷି ଅଜୟ ଦାସ ଉଭୟ ମମତା ଏବଂ ଲକ୍ଷ୍ମୀ ନାରାୟଣଙ୍କୁ ଆଖଡ଼ାରୁ ବାହାର କରିଦେଇଥିଲେ। ତାଙ୍କ ବିନା ଅନୁମତିରେ ଆଚାର୍ଯ୍ୟ ଲକ୍ଷ୍ମୀନାରାୟଣ ମନଇଚ୍ଛା ମମତାଙ୍କୁ ମହାମଣ୍ଡଳେଶ୍ଵର ପଦବୀରେ ନିଯୁକ୍ତ କରିଥିବା ଦର୍ଶାଇ ଋଷି ଅଜୟ ଦାସ ଉଭୟଙ୍କୁ ଅନୁଷ୍ଠାନରୁ ବିଦା କରିଥିଲେ।
Powered by Froala Editor
