ଜଣେ ୧୬ ବର୍ଷୀୟା ନାବାଳିକାର ଅଶ୍ଳୀଳ ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ୍ କରି ଗିରଫ ହୋଇଛି ଯୁବକ । ଯୁବକ ଜଣକ ଜଣେ ଇଞ୍ଜିୟନିର ଛାତ୍ର । ତାଙ୍କ ନାଁ ସଞ୍ଜୀବ ତରାଇ । ସଞ୍ଜୀବଙ୍କୁ ପୁଲିସ ବାଲେଶ୍ୱରରୁ ଗିରଫ କରିଛି । ହେଲେ ତାଙ୍କର ଘର ମୟୂରଭଞ୍ଜ ଜିଲ୍ଲାରେ ବୋଲି ମାଲକାନଗିରି ପୁଲିସ ସୂଚନା ଦେଇଛି ।

୨୦୧୯ ମସିହାରେ ମାଲକାନଗିରି ଥାନା ଅଞ୍ଚଳର ଜଣେ ୧୬ ବର୍ଷୀୟା ନାବାଳିକା ସହିତ ଫେସବୁକ୍‌ରେ ବନ୍ଧୁତା ସ୍ଥାପନ କରିଥିଲା ସଞ୍ଜୀବ । ୨୦୨୦ରେ ସେ ମାଲକାନଗିରି ବୁଲିବାକୁ ଯାଇଥିଲେ । ସେତେବେଳେ ନାବାଳିକାକୁ ଏକ ମନ୍ଦିରକୁ ଡକାଇ ବିବାହ ପ୍ରଲୋଭନ ଦେଖାଇ ସମ୍ପର୍କ ବଢାଇଥିଲେ । ଏହାପରେ ନିୟମିତ ଭାବେ ଭିଡିଓ କଲ୍‌ରେ ଉଭୟ କଥାବାର୍ତ୍ତା ହେଉଥିଲେ । ଏହାର ସୁଯୋଗ ନେଇ ଅଭିଯୁକ୍ତ ନାବାଳିକାଙ୍କ କେତେକ ଅଶ୍ଳୀଳ ଫଟୋ ଏବଂ ଭିଡିଓ ଉଠାଇ ନିଜ ମୋବାଇଲ୍‌ରେ ରଖିଥିଲେ ।

୨୦୨୧ରେ ସେହି ଫଟୋ ଓ ଭିଡିଓଗୁଡି଼କ ପଠାଇ ବ୍ଲାକ୍‌ମେଲ୍ କରିବା ଆରମ୍ଭ କରିଥିଲେ । ଏହା ଦେଖି ନାବାଳିକା ତାଙ୍କ ଫେସ୍‌ବୁକ ଓ ହ୍ୱାଟ୍‌ସ୍‌ଆପ୍‌ରୁ ସଞ୍ଜୀବଙ୍କ ନମ୍ବରକୁ ବ୍ଲକ୍ କରିଦେଇଥିଲେ । ଏଥିରେ ଉତ୍ତ୍ୟକ୍ତ ହୋଇ ନାବାଳିକାଙ୍କ ନାଁରେ ଏକ ଫେକ୍ ଫେସବୁକ୍ ଆଇଡି ଖୋଲିବା ସହ ଏକ ନକଲି ୟୁଟ୍ୟୁବ୍ ଚ୍ୟାନେଲ୍ ଖୋଲି ଅଶ୍ଳୀଳ ଫଟୋ ଓ ଭିଡିଓ ଅପ୍‌ଲୋଡ କରି ଭାଇରାଲ୍ କରିଥିଲେ । ଏ ସମ୍ପର୍କରେ ଜାଣିବା ପରେ ପରିବାର ଲୋକେ ମାଲକାନଗିରି ଥାନାରେ ଏତଲା ଦେଇଥିଲେ ।

ପୁଲିସ ବାଲେଶ୍ୱରରୁ ସଞ୍ଜୀବକୁ ଗିରଫ କରିଛି । ଅଭିଯୁକ୍ତଙ୍କ ମୋବାଇଲ୍ ଯାଞ୍ଚ କରି ନାବାଳିକାଙ୍କ ସମସ୍ତ ଫଟୋ ଓ ଭିଡିଓ ସହ ଫୋନ୍ ଜବତ କରିଛି ।

Powered by Froala Editor