ମନରାଜଙ୍କୁ ଦ୍ୱିତୀୟ ବିବାହ କଲେ ରାପର ରଫତାର୍
ରାପର୍ ରଫ୍ତାର୍ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଫ୍ୟାଶନ୍ ଷ୍ଟାଇଲିଷ୍ଟ ଏବଂ ଅଭିନେତ୍ରୀ ମନରାଜ ଜୱାଣ୍ଡାଙ୍କୁ ରଫ୍ତାର୍ ବିବାହ କରିଛନ୍ତି। ଦୁହିଁଙ୍କ ବିବାହକୁ ନେଇ ଅନେକ ଦିନରୁ ଚର୍ଚ୍ଚା ଲାଗି ରହିଥିବା ବେଳେ ବାହାଘର ଫଟୋ ସାମ୍ନାକୁ ଆସିଛି।
ଶୁକ୍ରବାର ଦିନ କିଛି ଖାସ୍ ସମ୍ପର୍କୀୟ ଏବଂ ବନ୍ଧୁଙ୍କ ଗହଣରେ ଉଭୟଙ୍କ ବିବାହ ସମ୍ପନ୍ନ ହୋଇଛି । ଡେଷ୍ଟିନେଶନ୍ ୱେଡିଂରେ ଦୁଇଜଣଯାକ ସାଉଥ୍ ଇଣ୍ଡିଆନ୍ ଲୁକରେ ସଜେଇ ହୋଇଥିବା ଦେଖିବାକୁ ମିଳିଛି । ମଙ୍ଗଳସୂତ୍ର ପିନ୍ଧାଇବା ସମୟରେ ଦୁହେଁ ପରସ୍ପରକୁ ପ୍ରେମରେ ଚାହିଁ ରହିଥିବାର ଦେଖାଯାଉଛି।
ବାହାଘର ଫଟୋଗୁଡିକ ସାମ୍ନାକୁ ଆସିବା ପରେ ଖୁବ ଭାଇରାଲ୍ ହୋଇଛି। ବିବାହ ଖବର ଆସିବା ପରେ ସୋସିଆଲ ମିଡିଆରେ ସେମାନଙ୍କ ପ୍ରଶଂସକମାନେ ନବ ଦମ୍ପତିଙ୍କୁ ଶୁଭେଚ୍ଛା ଜଣାଇଛନ୍ତି।
ରଫ୍ତାର୍ଙ୍କ ଏହା ଦ୍ୱିତୀୟ ବିବାହ, କାରଣ ସେ ପୂର୍ବରୁ କୋମଲ ଭୋହରାଙ୍କୁ ବିବାହ କରିଥିଲେ। ଦୁହେଁ ୫ ବର୍ଷ ଡେଟ୍ କରିବା ପରେ ୨୦୧୬ରେ ବିବାହ କରିଥିଲେ । କିନ୍ତୁ କୌଣସି କାରଣରୁ ୨୦୨୦ରେ ଉଭୟଙ୍କ ବିବାହ ବିଚ୍ଛେଦ ପାଇଁ କୋର୍ଟରେ ଆବେଦନ କଲେ । ୨୦୨୨ରେ ସେମାନଙ୍କ ଡିଭୋର୍ସ ହୋଇଥିଲା ।
Powered by Froala Editor
