ବଲିଉଡ ଷ୍ଟାର ସୈଫ ଅଲୀ ଖାନ୍ ୫ଦିନ ପରେ ମୁମ୍ବାଇର ଲୀଳାବତୀ ହସ୍ପିଟାଲରୁ ଡିସଚାର୍ଜ ହୋଇଛନ୍ତି। ଗତ ୧୬ ତାରିଖରେ ବାନ୍ଦ୍ରା ଘରେ ହୋଇଥିବା ଛୁରାମାଡ଼ ଘଟଣାରେ ସେ ହୋଇଥିଲେ ଆହତ। ହସ୍ପିଟାଲକୁ ମା ଶର୍ମିଳା ଟାଗୋର ଆସିବା ପରେ ତାଙ୍କୁ ଡିସଚାର୍ଜ କରାଯାଇଥିଲା।

ଜାନୁଆରି ୧୬ ତାରିଖରେ ସୈଫ ଅଲୀ ଖାନଙ୍କ ଘରେ ପଶି ଜଣେ ଦୁର୍ବୃତ୍ତ ଅଭିନେତାଙ୍କ ଉପରେ ଛଅ ଥର ଆକ୍ରମଣ କରିଥିଲା। ଗୁରୁତର ଅବସ୍ଥାରେ ସୈଫଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ଡାକ୍ତରମାନେ ସଫଳ ଅସ୍ତ୍ରୋପଚାର ମାଧ୍ୟମରେ ଅଭିନେତାଙ୍କ ମେରୁଦଣ୍ଡରେ ଫସିଥିବା ଅଢ଼େଇ ଇଞ୍ଚର ଏକ ଛୁରୀ ଖଣ୍ଡକୁ ବାହାର କରି ଦେଇଥିଲେ।

ଘରକୁ ଫେରିବା ପରେ ସୈଫ ବିଶ୍ରାମ ନେବା ସଙ୍ଗେସଙ୍ଗେ ତାଙ୍କ ଗୃହ ସହାୟିକା ଓ ତାଙ୍କ ପୁଅ ଜେହଙ୍କ ଯତ୍ନ ନେଉଥିବା ମହିଳା ଏଲିୟମ୍ମା ଫିଲିପଙ୍କୁ ପ୍ରଥମେ ଭେଟିବାର ଇଚ୍ଛା ପ୍ରକାଶ କରିଥିଲେ। ଏଲିୟମ୍ମା ଛୁରାମାଡ଼ ସମୟରେ ଅଭିଯୁକ୍ତଙ୍କ କବଳରୁ ସୈଫଙ୍କୁ ବଞ୍ଚାଇବା ପାଇଁ ନିଜ ଜୀବନକୁ ବାଜି ଲଗାଇ ଦେଇଥିଲେ। ଏଲିୟମ୍ମା ଫିଲିପଙ୍କୁ ସୈଫ ଭେଟି ଧନ୍ୟବାଦ ଜଣାଇଥିଲେ।

ସେପଟେ ପୋଲିସ ରାତିଅଧିଆ ଶେଷ କରିଛି କ୍ରାଇମ ସିନ ରିକ୍ରିଏସନ । ବଲିଉଡ ଅଭିନେତା ସୈଫ ଅଲ୍ଲୀ ଖାନଙ୍କୁ ଛୁରାମାଡ଼ ଘଟଣାରେ ଅଭିଯୁକ୍ତ ମହମ୍ମଦ ଶରିଫୁଲ ଇସଲାମ ଶେହେଜାଦକୁ ନେଇ ମୁମ୍ବାଇ ପୋଲିସ କରିଛି ସିନ ରିକ୍ରିଏସନ। ମହମ୍ମଦ ଶରିଫୁଲ ଇସଲାମ ଓରଫ ବିଜୟ ଦାସକୁ ଅଭିନେତା ସୈଫ ଅଲ୍ଲୀ ଖାନଙ୍କ ଘରକୁ ନେଇ ସିନ ରିକ୍ରିଏଟ କରିଛି ପୋଲିସ।

Powered by Froala Editor