ସୋସିଆଲ ମିଡିଆ ଯୁଗରେ ମହାକୁମ୍ଭ ସହିତ ଜଡିତ ଅନେକ ଜିନିଷ, ଲୋକ ଏବଂ ରୀତିନୀତି ଏବେ ଟ୍ରେଣ୍ଡିଂ ହେବା ଆରମ୍ଭ କରିଛି। କେତେବେଳେ ମହାକୁମ୍ଭରେ ମାଳା ବିକ୍ରୟ କରୁଥିବା ଝିଅ ମୋନାଲିସାଙ୍କ ଭିଡିଓ ତ କେତେବେଳେ ଚିମଟା ବାବାଙ୍କ ଭିଡିଓ ପ୍ରତିଦିନ ଦେଖାଯାଉଛି। ସେମାନଙ୍କ ମଧ୍ୟରୁ ଜଣେ ହେଉଛନ୍ତି ଆଇଆଇଟି ବାବା ଅଭୟ ସିଂହ।

ଚାରି ଦିନ ପୂର୍ବେ ଇନଷ୍ଟାଗ୍ରାମରେ ଆଇଆଇଟି ବାବାଙ୍କ ଫଲୋଅର୍ସ ସଂଖ୍ୟା ମାତ୍ର ୬ ହଜାର ଥିଲା, ଯାହା ଏବେ ଚାରି ଲକ୍ଷରୁ ଅଧିକ ହୋଇଛି। ଫଲୋଅର୍ସ ମାନଙ୍କ ସହ କଥାବାର୍ତ୍ତା କରି ଅଭୟ ସିଂହ କହିଥିଲେ, ସତ୍ୟଯୁଗରେ ମାତା ସୀତା ମର୍ଯ୍ୟାଦା ପୁରୁଷୋତ୍ତମ ଥିଲେ। ପ୍ରଭୁ ରାମ ଯେଉଁ ଧନୁ ଭାଙ୍ଗି ଦେଇଥିଲେ, ମାତା ସୀତା ତାଙ୍କ ପିଲାବେଳେ ସେହି ଧନୁକୁ ଉଠାଇଥିଲେ। ରାବଣ ମାତା ସୀତାଙ୍କୁ ଅପହରଣ କରିବା ପରେ ମଧ୍ୟ ମାତା ସୀତା ନିଜ ସୀମା ମଧ୍ୟରେ ରହିଥିଲେ।

ଅଭୟ ସିଂହ ସୋସିଆଲ ମିଡିଆରେ କହିଛନ୍ତି ଯେ ତାଙ୍କ ଲାଳନପାଳନ ସମୟରେ ଘରୋଇ ହିଂସା ଦ୍ୱାରା ଗଭୀର ଭାବରେ ବ୍ୟଥିତ ଥିଲେ। ଏପରି ପରିସ୍ଥିତିରେ ପିଲାମାନେ ସମ୍ମୁଖୀନ ହେଉଥିବା ଚ୍ୟାଲେଞ୍ଜର ମୁକାବିଲା ପାଇଁ ଆଇନର ଆବଶ୍ୟକତା ଉପରେ ଅଭୟ ଏକ ପତ୍ର ଲେଖିଥିଲେ।

ତେବେ ଅଧିକ ପଲୋଅର୍ସ ହେବା ସହ ଅଭୟଙ୍କ ସମସ୍ୟା ବଢିଯାଇଛି ବୋଲି କହିଛନ୍ତି । ସେ କୁହନ୍ତି, ଏହି ଖ୍ୟାତି ତାଙ୍କ ପାଇଁ ଏକ ସମସ୍ୟା ପାଲଟିଛି। ପୂର୍ବରୁ ସେ ସହଜରେ ବାହାରକୁ ଯାଉଥିଲେ। ଯେଉଁଠି ଚାହୁଁଥିଲେ ସେଠି ଚା’ ପିଉଥିଲେ କିନ୍ତୁ ଏବେ ସେ ବାହାରକୁ ଯାଇପାରୁନାହାନ୍ତି।

Powered by Froala Editor