ଓଡ଼ିଶାର ପ୍ରତ୍ୟେକ ଲୋକେ ଅଧିକ ଲାଭ ଆଶାରେ ଚିଟ୍ ଫଣ୍ଡରେ ଟଙ୍କା ନିବେଶ କରି ଠକାମିର ଶିକାର ହୋଇଥିଲେ। ଏଥିରୁ ବର୍ତ୍ତମାନର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମଧ୍ୟ ବର୍ତ୍ତିପାରିନାହାନ୍ତି। ଥରେ ନୁହେଁ ବରଂ ଦୁଇ ଦୁଇ ଥର ଚିଟଫଣ୍ଡର ଶିକାର ହୋଇଥିଲେ। ଚିଟଫଣ୍ଡର ଶିକାର ହୋଇଥିବା ନେଇ ନିଜେ କହିଛନ୍ତି ମୁଖ୍ୟମନ୍ତ୍ରୀ।

୧୯୯୦ ଓ ୨୦୦୨ରେ ଚିଟଫଣ୍ଡ ସଂସ୍ଥା ଦ୍ବାରା ଶିକାର ହୋଇଥିଲେ। ଉଭୟ ସରକାରୀ ଓ ବେସରକାରୀ ସଂସ୍ଥା ଠକିଥିବା କହିଛନ୍ତି ମୁଖ୍ୟମନ୍ତ୍ରୀ। ଅଧିକ ଲାଭ ଆଶାରେ ମୁଖ୍ୟମନ୍ତ୍ରୀ ମଧ୍ୟ ଚିଟ୍ ଫଣ୍ଡ ସ୍କାମରେ ଟଙ୍କା ହରାଇଛନ୍ତି ବୋଲି ପ୍ରକାଶ କରିଛନ୍ତି।

ମଙ୍ଗଳବାର ଜାତୀୟ ଉପଭୋକ୍ତା ଦିବସରେ ଏକ କାର୍ଯ୍ୟକ୍ରମରେ ଯୋଗ ଦେଇ ମୁଖ୍ୟମନ୍ତ୍ରୀ ଏହି ଆଶ୍ଚର୍ଯ୍ୟକର ଖୁଲାସା କରିଛନ୍ତି। ସେ କହିଥିଲେ “ଏକ ସମୟରେ ମୁଁ ଚିଟ୍ ଫଣ୍ଡ ସ୍କାମର ଶିକାର ହୋଇଥିଲି। ୧୯୯୦ ରୁ ୨୦୦୨ ମଧ୍ୟରେ ଦୁଇଟି ଚିଟ୍ ଫଣ୍ଡ ଫାର୍ମ ଦ୍ୱାରା ମୋତେ ପ୍ରତାରଣା କରାଯାଇଥିଲା।”

ସେ କହିଛନ୍ତି ”ମୁଁ ଜମା ପାଇଁ ଟଙ୍କା ଯୋଗାଡ କରିଥିଲି, କିନ୍ତୁ ପରେ ଜାଣିଲି ସେମିତି କିଛି ଫାର୍ମ ହିଁ ନାହିଁ। ତେବେ ଜମା ରାଶି ପୁନରୁଦ୍ଧାର ପାଇଁ ସେ ପୁରୁଣା ଚିଟ୍ ଫଣ୍ଡ ଆଇନ ଅନୁଯାୟୀ ବହୁ ଚେଷ୍ଟା କରିଥିଲେ ମଧ୍ୟ ଆଇନଗତ ପ୍ରକ୍ରିୟା ଜଟିଳ ହୋଇଥିବାରୁ କୌଣସି ଫଳାଫଳ ମିଳି ନଥିଲା।”

୨୦୧୯ ରେ ଚିଟ୍ ଫଣ୍ଡ ଆକ୍ଟ, ୧୯୮୨ ରେ ସଂଶୋଧନ ପାଇଁ ସେ କେନ୍ଦ୍ରରେ ଭାଜପା ନେତୃତ୍ୱାଧୀନ ସରକାରଙ୍କୁ ପ୍ରଶଂସା କରିଥିଲେ। 

Powered by Froala Editor