ଓମଫେଡ୍ ଡ୍ରାଇଭରଙ୍କ ଧାରଣା, କ୍ଷୀର ଯୋଗାଣ ବାଧାପ୍ରାପ୍ତ

କଟକ: ଓମଫେଡ୍ ଡ୍ରାଇଭରଙ୍କୁ ପୁଲିସ୍ ଅଟକ ରଖିବା ପ୍ରତିବାଦରେ ଆନ୍ଦୋଳନ। କଟକ ଜିଲ୍ଲା ବାଙ୍କୀ ନରାଜ ସ୍ଥିତ ଅରିଲୋ ଓମଫେଡ୍ ପ୍ଲାଣ୍ଟରୁ କ୍ଷୀର ଚୋରି ଅଭିଯୋଗରେ ପୁଲିସ୍ ଜଣେ ଓମଫେଡ୍ ଗାଡି ଡ୍ରାଇଭରଙ୍କୁ ଅଟକ ରଖିଛି। ସୋମବାର ଓମଫେଡ୍ ପ୍ଲାଣ୍ଟରୁ ୧୪୦ ଲିଟର କ୍ଷୀର ଚୋରି ହୋଇଥିବା ନେଇ ପ୍ଲାଣ୍ଟର ଜଣେ କର୍ମଚାରୀ ଏବଂ ସିକ୍ୟୁରିଟି ଗାର୍ଡ ଗୋଡିସାହି ଫାଣ୍ଡିରେ ଅଭିଯୋଗ କରିଥିଲେ। ଯାହାକୁ ଭିତ୍ତି କରି ପୁଲିସ ଜଣେ ଡ୍ରାଇଭରଙ୍କୁ ଅଟକ ରଖିଥିଲା। ଯାହାର ପ୍ରତିବାଦରେ ଆଜି ଓମଫେଡ୍ ଗାଡିର ସାଥି ଡ୍ରାଇଭରମାନେ ଆନ୍ଦୋଳନ କରିଛନ୍ତି। ଯେ ପର୍ଯ୍ୟନ୍ତ ଉଚିତ୍ ନ୍ୟାୟ ନ ମିଳିଛି , ସେ ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ସେମାନେ ଚେତାବନୀ ଦେଇଛନ୍ତି। ପରେ ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ବୁଝାସୁଝା ଜାରି ରଖିଛି। ଡ୍ରାଇଭରଙ୍କ ଆନ୍ଦୋଳନ ଯୋଗୁଁ ଆଜି କଟକ-ଭୁବନେଶ୍ଵରକୁ କ୍ଷୀର ଯୋଗାଣ ବାଧାପ୍ରାପ୍ତ ହୋଇଛି।
Powered by Froala Editor