ପୃଥିବୀର ତାପମାତ୍ରା ଅସ୍ୱାଭାବିକ ଭାବେ ବଢିଚାଲିଛି । ଯାହାକି ଚିନ୍ତାର କାରଣ ବୋଲି ପରିବେଶବିତ ମାନେ କହିଛନ୍ତି । ପୃଥିବୀର ତାପମାତ୍ରା ବୃଦ୍ଧିକୁ ନେଇ ଆମେରିକୀୟ ମହାକାଶ ଗବେଷଣା ସଂସ୍ଥା ‘ନାସା’ ପକ୍ଷରୁ କୁହାଯାଇଛି ଯେ, ପୃଥିବୀ ପୃଷ୍ଠର ତାପମାତ୍ରା ଦ୍ରୁତ ବୃଦ୍ଧି ପାଇବାରେ ଲାଗିଛି। ଗତ ୧୪ ବର୍ଷ ମଧ୍ୟରେ ଏହା ଦ୍ୱିଗୁଣିତ ହୋଇଛି। ନାସା ଏବଂ ଆମେରିକାର ନ୍ୟାସନାଲ ଓସନିକ ଆଣ୍ଡ ଆଟମୋସ୍ପିଅରିକ ଆଡମିନିଷ୍ଟ୍ରେସନ (ଏନଓଏଏ)ର ବୈଜ୍ଞାନିକମାନେ ଦୀର୍ଘ ଅଧ୍ୟୟନରୁ ଜାଣିବାକୁ ପାଇଛନ୍ତି। ପୃଥିବୀ ବାୟୁମଣ୍ଡଳର ତାପମାତ୍ରା ୨୦୦୫ରୁ ୨୦୧୯ ମଧ୍ୟରେ ଦୁଇଗୁଣ ହୋଇଛି। ଆଗାମୀ ଦଶନ୍ଧିରେ ଯଦି ଏହିଭଳି ଧାରା ଜାରିରହେ ତେବେ ତାହା ଜଳବାୟୁ ପାଇଁ ଅତ୍ୟନ୍ତ ବିପଜ୍ଜନକ ସାବ୍ୟସ୍ତ ହେବ।

ନାସାର ସିଇଆରଇଏସରେ ମୁଖ୍ୟ ଗବେଷକ ଥିବା ନର୍ମାନ ଲୋଏବ କହିଛନ୍ତି, ସେମାନେ ଅଧ୍ୟୟନ ସମୟରେ ପୃଥିବୀ ପୃଷ୍ଠର ତାପମାତ୍ରା ବୃଦ୍ଧିକୁ ନେଇ ଯେଉଁ ଧାରା ଲକ୍ଷ୍ୟ କରିଛନ୍ତି ତାହା ସମସ୍ତଙ୍କ ପାଇଁ ଗଭୀର ଚିନ୍ତାର ବିଷୟ ହୋଇଛି। ତାଙ୍କ ସହିତ ଅନ୍ୟ ଗବେଷକମାନେ କହିଛନ୍ତି, ପୃଥିବୀ ପୃଷ୍ଠଭାଗ ଧରି ରଖୁଥିବା ୯୦% ତାପମାତ୍ରା ସମୁଦ୍ର ମଧ୍ୟକୁ ଯାଉଥିବାରୁ ସମୁଦ୍ର ଜଳର ତାପମାତ୍ରା ମାତ୍ରାଧିକ ଭାବରେ ବୃଦ୍ଧିପାଉଛି ଏବଂ ଏହା ବଡଧରଣର ବିପଯର୍ଯ୍ୟୟ ସୃଷ୍ଟିକରିବ। 

Powered by Froala Editor