ସିଦ୍ଧୁଙ୍କୁ ପଞ୍ଜାବରେ ମିଳିପାରେ ବଡ଼ ଭୂମିକା
ନୂଆଦିଲ୍ଲୀ: ଦିଲ୍ଲୀ ଗସ୍ତରେ ଦ୍ୱିତୀୟ ଦିନରେ ପଞ୍ଜାବର କଂଗ୍ରେସ ନେତା ନବଜୋତ ସିଂହ ସିଦ୍ଧ ପ୍ରଥମେ ପି୍ରୟଙ୍କା ଗାନ୍ଧି ଓ ସନ୍ଧ୍ୟାରେ ରାହୁଲ ଗାନ୍ଧିଙ୍କୁ ତାଙ୍କ ବାସଭବନରେ ଭେଟିଛନ୍ତି । ସିଦ୍ଧୁ ଟ୍ୱିଟ କରି ଏ ବାବଦ ସୂଚନା ଦେଇଛନ୍ତି । ସିଦ୍ଧୁଙ୍କ ସହ ସାକ୍ଷାତ ଆଲୋଚନା ପରେ ପ୍ରିୟଙ୍କା ରାହୁଲ ଗାନ୍ଧି ଏବଂ ସୋନିଆଙ୍କୁ ଭେଟିଥିଲେ । ପଞ୍ଜାବ କଂଗ୍ରେସରେ କନ୍ଦଳ ତୀବ୍ର ହୋଇଥିବା ବେଳେ ରାହୁଲ ଓ ପ୍ରିୟଙ୍କାଙ୍କ ସହ ସିଦ୍ଧୁଙ୍କ ସାକ୍ଷାତକୁ ନେଇ ନାନା ଅଟକଳ କରାଯାଉଛି । ସିଦ୍ଧୁଙ୍କୁ ପଞ୍ଜାବରେ ବଡ଼ ଭୂମିକା ମିଳିବ ବୋଲି ରାଜନୈତିକ ମହଲରେ ଚର୍ଚ୍ଚା ଚାଲିଛି । ସୂଚନା ଯୋଗ୍ୟ ପଞ୍ଜାବ କଂଗ୍ରେସରେ ଏବେ ମୁଖ୍ୟମନ୍ତ୍ରୀ ଅମରିନ୍ଦର ସିଂହ ଏବଂ ନବଜୋତ ସିଂହ ସିଦ୍ଧୁଙ୍କ ମଧ୍ୟରେ ବିଭିନ୍ନ କାରଣକୁ ନେଇ ତୀବ୍ର କଥା କଟାକଟି ଚାଲିଛି । ଆସନ୍ତା ବର୍ଷ ପଞ୍ଜାବରେ ବିଧାନସଭା ନିର୍ବାଚନ ହେବ । ସିଦ୍ଧୁ ଓ ମୁଖ୍ୟମନ୍ତ୍ରୀଙ୍କ ମଧ୍ୟରେ ମତଭେଦ କାରଣରୁ ନିର୍ବାଚନରେ କଂଗ୍ରେସକୁ ବଡ଼ କ୍ଷତିର ସମ୍ମୁଖୀନ ହେବାକୁ ପଡ଼ିପାରେ ବୋଲି କୁହାଯାଉଛି । ତେଣୁ କଂଗ୍ରେସ ଗାନ୍ଧି ପରିବାର ସହ ସାକ୍ଷାତ ଆଲୋଚନା ସେମାନଙ୍କୁ ନିଜ ସପକ୍ଷରେ ରଖିବା ପାଇଁ ସିଦ୍ଧୁ ଗୋଟି ଚାଳନା କରୁଛନ୍ତି ।
Powered by Froala Editor
