ସାଉଥ୍ ଷ୍ଟାର ବିଜୟ ଦେବରକୋଣ୍ଡାଙ୍କ ନାମ ଅଭିନେତ୍ରୀ ରଶ୍ମିକା ମନ୍ଦନାଙ୍କ ସହ ଯୋଡା ଯାଉଛି।  ଉଭୟ ଡେଟିଂ ଚର୍ଚ୍ଚାକୁ ଖଣ୍ଡନ କରି ଆସୁଥିଲେ ମଧ୍ୟ ସେମାନଙ୍କର କିଛି ଫଟୋ ସେଶାଲ ମିଡିଆରେ ଭାଇରାଲ୍ ହେଉଛି।

ରଶ୍ମୀକା ନିକଟରେ ନିଜର ଏକ ସିଙ୍ଗଲ୍ ଫଟୋ ପୋଷ୍ଟ କରିଥିଲେ, ଯେଉଁଥିରେ ସେ ଏକ ବ୍ଲୁ ଶାର୍ଟ ପିନ୍ଧି ରେସ୍ତୋରାଁରେ ଖାଉଥିବା ଦେଖିବାକୁ ମିଳିଥିଲା। ଏହାପରେ ସୋଶାଲ ମିଡିଆରେ ଭାଇରାଲ୍ ଫଟୋରୁ ସେ ବିଜୟ ଦେବରକୋଣ୍ଡାଙ୍କ ସହ ଥିବା ଚର୍ଚ୍ଚା ହେଉଛି।

କାରଣ ଭାଇରାଲ୍ ହେଉଥିବା ପୋଷ୍ଟରେ ରଶ୍ମୀକାଙ୍କ ଆଗରେ ବିଜୟ ଦେବରକୋଣ୍ଡା ବସିଛନ୍ତି। ଏଥିରୁ ଉଭୟ ଡେଟ୍ କରୁଥିବା ଚର୍ଚ୍ଚା ପୁଣି ଥରେ ଜୋର୍ ଧରିଛି। ବର୍ତ୍ତମାନ ବିଜୟ ଦେବରକୋଣ୍ଡା VD 12 ଶୁଟ୍ ପାଇଁ ଶ୍ରୀଲଙ୍କାରେ ଥିବାବେଳେ ଏହି ଫଟୋ ସେଠାକାର ବୋଲି କୁହାଯାଉଛି।

ଦୁହେଁ ଏହି ଚର୍ଚ୍ଚା ଉପରେ କୌଣସି ପ୍ରତିକ୍ରିୟା ରଖିନଥିବା ବେଳେ କିଛି ଦିନ ତଳେ ବିଜୟ ପ୍ରେମ ସମ୍ପର୍କରେ ଥିବା ନେଇ ସଙ୍କେତ ଦେଇଥିଲେ। ବିଜୟଙ୍କ ପ୍ରତିକ୍ରିୟା ପରେ ଏବେ ରଶ୍ମିକାଙ୍କ ପ୍ରତିକ୍ରିୟା ସାମ୍ନାକୁ ଆସିଛି। 'ପୁଷ୍ପା-୨'ର ଗୀତ 'କିସକ'ର ଲଞ୍ଚ ଇଭେଣ୍ଟରେ ରଶ୍ମିକାଙ୍କୁ ପ୍ରଶ୍ନ କରାଯାଇଥିଲା ଯେ, “ଆପଣ ଫିଲ୍ମ ଇଣ୍ଡଷ୍ଟ୍ରିରୁ କାହାକୁ ବିବାହ କରିବେ ନା ଅଲଗା ପେସାରେ ଥିବା ବ୍ୟକ୍ତିଙ୍କୁ ବିବାହ କରିବେ? " ଏହା ଶୁଣି ରଶ୍ମିକା କହିଥିଲେ, "ସମସ୍ତେ ଏହା ବିଷୟରେ ଭଲ ଭାବରେ ଜାଣନ୍ତି। ମୁଁ ଜାଣେ ତୁମେ କେଉଁ ଉତ୍ତର ଚାହୁଁଛ। " ରଶ୍ମିକାଙ୍କ ଏହି ଉତ୍ତର ଶୁଣି ସେ ବିଜୟଙ୍କ ପ୍ରତିକ୍ରିୟାକୁ ନେଇ ଏଭଳି କହିଥିବା ବିଷୟରେ ଲୋକେ ଚର୍ଚ୍ଚା କରୁଛନ୍ତି।

Powered by Froala Editor