‘ପାଥେର ପଞ୍ଚାଲୀ’ ର ଦୁର୍ଗା ଆଉନାହାନ୍ତି
ଅଭିନେତ୍ରୀ ଉମା ଦାସଗୁପ୍ତ ଆଉ ନାହାନ୍ତି । ଭାରତୀୟ ସିନେମା ଇତିହାସର ଜଣେ କିମ୍ବଦନ୍ତୀ ଫିଲ୍ମ ନିର୍ମାତା ସତ୍ୟଜିତ ରାୟଙ୍କ ‘ପାଥେର ପଞ୍ଚାଲୀ’ରେ ଦୁର୍ଗା ରୟ ଭୂମିକା ମାଧ୍ୟମରେ ଚର୍ଚ୍ଚାକୁ ଆସିଥିଲେ ଉମା ଦାସଗୁପ୍ତା । ୮୪ ବର୍ଷ ବୟସରେ ଉମା ଦାସଗୁପ୍ତା ଇହଲୀଳା ସମ୍ବରଣ କରିଛନ୍ତି । ଉମାଙ୍କ ମୃତ୍ୟୁ ଖବର ପ୍ରସାରିତ ହେବା ପରେ ସିନେ ଜଗତରେ ଶୋକର ଛାୟା ଖେଳିଯାଇଛି ।
କର୍କଟ ରୋଗ ସହ ଦୀର୍ଘଧରି ଲଢ଼େଇ କରିବା ପରେ ଏବେ ଜୀବନ ଯୁଦ୍ଧରେ ହାରି ଯାଇଛନ୍ତି ଉମା । ୧୯୯୫ ମସିହାରେ ରିଲିଜ୍ ହୋଇଥିବା ସତ୍ୟଜିତ ରାୟଙ୍କ ନିର୍ଦ୍ଦେଶିତ ଫିଲ୍ମ ‘ପାଥେର ପଞ୍ଚାଲୀ’ ଫିଲ୍ମରେ ଉମା ଅଭିନୟ କରିଥିଲେ । ଉକ୍ତ ଫିଲ୍ମରେ ଅଭିନୟ କରିବା ପରେ ଉମାଙ୍କୁ ଚଳଚ୍ଚିତ୍ର ଦୁନିଆରେ ଏକ ସ୍ୱତନ୍ତ୍ର ପରିଚୟ ମିଳିଥିଲା । ଏହି ଚଳିଚ୍ଚିତ୍ର ଜାତୀୟ ଓ ଅନ୍ତର୍ଜାତୀୟ ସ୍ତରରେ ବହୁ ପୁରସ୍କାର ପାଇଥିବା ବେଳେ ଏଥିରେ ଅଭିନୟ କରିଥିବା ପ୍ରତିଟି କଳାକାର ଏବେ ବି ଚର୍ଚ୍ଚାର ପରିସରକୁ ଆସିଥାନ୍ତି ।
ଉମାଙ୍କ ବିୟୋଗରେ ପରେ ତାଙ୍କର ଅଗଣିତ ଶୁଭେଚ୍ଛୁ, ବନ୍ଧୁ ପରିଜନ ସୋସିଆଲ ମିଡ଼ିଆରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।
Powered by Froala Editor
