ଗଞ୍ଜାମ ଜିଲାର ପାଟପୁର ଥାନାକୁ ୨୦୨୪ ପାଇଁ କେନ୍ଦ୍ର ଗୃହ ମନ୍ତ୍ରଣାଳୟ ଦ୍ୱାରା ଦେଶର ତିନୋଟି ସର୍ବୋତ୍ତମ ପୁଲିସ ଷ୍ଟେସନ ମଧ୍ୟରୁ ଗୋଟିଏ ଭାବରେ ମନୋନୀତ କରାଯାଇଛି।ନଭେମ୍ବର ୨୯ରୁ ଡିସେମ୍ବର ୧ ପର୍ଯ୍ୟନ୍ତ ଭୁବନେଶ୍ୱରରେ ଆୟୋଜିତ ହେବାକୁ ଥିବା ପୁଲିସ ମହାନିର୍ଦ୍ଦେଶକ ସମ୍ମିଳନୀରେ ଯୋଗ ଦେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଏହି ଟ୍ରଫି ପାଟପୁର ଥାନାଧିକାରୀଙ୍କୁ ଦେବେ।

ଏସପି (ଗଞ୍ଜାମ) ସୁଭେନ୍ଦୁ କୁମାର ପାତ୍ର କହିଛନ୍ତି ଯେ “ଆମର ପୋଲିସ୍ ଷ୍ଟେସନ୍ ଦେଶର ତିନିଟି ସର୍ବୋତ୍ତମ ପୋଲିସ୍ ଷ୍ଟେସନ୍ ମଧ୍ୟରୁ ଗୋଟିଏ ହୋଇଥିବାରୁ ଆମେ ବହୁତ ଖୁସି। କର୍ମଚାରୀଙ୍କ ଦଳଗତ କାର୍ଯ୍ୟ ହେତୁ ଏହା ସମ୍ଭବ ହୋଇପାରିଛି।”

ସାରା ଦେଶରେ ଶ୍ରେଷ୍ଠ ଥାନାକୁ ପୁରସ୍କୃତ କରିବା ହେଉଛି ସ୍ବରାଷ୍ଟ୍ର ମନ୍ତ୍ରଣଳୟର ବାର୍ଷିକ କାର୍ଯ୍ୟକ୍ରମ, ଯେଉଁଥିରେ ଥାନାଗୁଡିକର ଅପରାଧ ହାର, ମାମଲାର ଅନୁସନ୍ଧାନ ଏବଂ ମାମଲାର ରଫାଦଫା, ଭିତ୍ତିଭୂମି ଏବଂ ଜନସେବା ପରି ୧୫୦ ରୁ ଅଧିକ ବିଭିନ୍ନ ପାରାମିଟର ଆଧାରରେ ବିଚାର କରାଯାଇଥାଏ। ମୋଟ ପଏଣ୍ଟଗୁଡିକର ପ୍ରାୟ ୨୦ ପ୍ରତିଶତ ନାଗରିକଙ୍କ ଠାରୁ ପୋଲିସ୍ ଷ୍ଟେସନ ବିଷୟରେ ମତାମତ ଉପରେ ଆଧାରିତ ହୋଇଥାଏ।

ଯୁଗ୍ମ ନିର୍ଦ୍ଦେଶକ ତଥା ସମ୍ମିଳନୀ ସଚିବ, ଏମଏଚଏର ଇଣ୍ଟେଲିଜେନ୍ସ ବ୍ୟୁରୋ ସମୀର ଏସ ଆଇଏମ ଓଡ଼ିଶା ମହାନିର୍ଦ୍ଦେଶକ ୱାୟୀ.ବି. ଖୁରାନିଆଙ୍କୁ ଦେଶର ସର୍ବୋତ୍ତମ ପୁଲିସ ଷ୍ଟେସନ ଭାବରେ ଚୟନ ବିଷୟରେ ଚିଠି ଲେଖି ସୂଚନା ଦେଇଛନ୍ତି।

Powered by Froala Editor