କାର୍ର ଅନ୍ତିମ ସଂସ୍କାର, ୧୫ ହଜାର ଲୋକଙ୍କ ପାଇଁ ଭୋଜିର ଆୟୋଜନ
ଆପଣ ଅନେକ ପ୍ରକାରର ବିଦାୟ ସମାରୋହ ଦେଖିବାକୁ ଦେଖିଛନ୍ତି। କିନ୍ତୁ କେବେ କାରର ଅନ୍ତିମ ବିଦାୟ ଦେଖିଛନ୍ତି କି? ଜଣେ ବ୍ୟକ୍ତି ତାଙ୍କ କାରକୁ ଏତେ ଭଲ ପାଉଥିଲେ ଯେ, ୧୨ ବର୍ଷର କାରକୁ କବାଡିବାଲାକୁ ଦେବା ଅପେକ୍ଷା ତାହାକୁ ପୋତିଦେବା ଉଚିତ୍ ମଣିଛନ୍ତି।
ବର୍ତ୍ତମାନ ଗୁଜରାଟରେ ଏଭଳି ଅଜବ ଘଟଣା ଘଟିଛି । ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ଗୁଜରାଟର ଏକ ପରିବାର ସେମାନଙ୍କ କାରର ଅନ୍ତିମ ସଂସ୍କାର କରିଛନ୍ତି। ଏହି ଅନନ୍ୟ ମାମଲା ଗୁଜୁରାଟର ଅମ୍ରୋଲିରେ ଘଟିଛି। ଏକ ପରିବାର ୧୫ଫୁଟ ଗଭୀର ଗାତ ଖୋଳି କାରକୁ ପୋତି ଦେଇଥିଲେ ଏବଂ ପରେ ୧୫୦୦ ଲୋକଙ୍କ ପାଇଁ ଏକ ଭୋଜିର ଆୟୋଜନ କରିଥିଲେ। ଏହି ପୁରା କାର୍ଯ୍ୟକ୍ରମରେ ପ୍ରାୟ ୪ଲକ୍ଷ ଟଙ୍କା ଖର୍ଚ୍ଚ ହୋଇଥିଲା।
ଗୁଜରାଟର ଅମ୍ରୋଲି ଜିଲାର ଲାଠି ତାଲୁକାର ପାଦରସିଙ୍ଗା ଗାଁର ବାସିନ୍ଦା ସଞ୍ଜୟ ପୋଲାରା ଏବଂ ତାଙ୍କ ପରିବାର ସେମାନଙ୍କ ଚାଷ ଜମିରେ ୧୨ ବର୍ଷ ଧରି ସହାୟତା କରିଆସୁଥିବା କାରର ଶେଷ ରୀତିନୀତି କରିଥିଲେ। ଏହି ସମୟ ମଧ୍ୟରେ କୃଷକ ସଞ୍ଜୟ ମଧ୍ୟ ତାଙ୍କ କାର ପାଇଁ ଏକ ଅନ୍ତିମ ସଂସ୍କାରର ଆୟୋଜନ କରିଥିଲେ। ଏଥିରେ ୧୫ ହଜାର ଲୋକ ଅଂଶଗ୍ରହଣ କରିଥିଲେ।
ସଞ୍ଜୟ ତାଙ୍କର ୧୨ ବର୍ଷ ପୁରୁଣା ୱାଗନ୍ ଆର କାରକୁ ସମାଧି ଦେବା ପାଇଁ ୧୫ଫୁଟ ଗଭୀର ଗାତ ଖୋଳିଥିଲେ। ସମାଧି ଦେବା ପୂର୍ବରୁ କାରକୁ ପ୍ରଥମେ ଫୁଲରେ ସଜା ଯାଇଥିଲା। ଏହା ପରେ କାରକୁ ଖାଲ ପର୍ଯ୍ୟନ୍ତ ନିଆଯାଇ ସମାଧି ଦିଆଯାଇଥିଲା।
Powered by Froala Editor
