ମୋମୋ ଖାଇ ମହିଳା ମୃତ
ମୋମୋ ଖାଇ ହାଇଦ୍ରାବାଦରେ ଜଣେ ୩୧ବର୍ଷୀୟ ମହିଳାଙ୍କ ମୃତ୍ୟୁ ଘଟିଛି । ଏପରିକି ୧୫ ଜଣ ଗୁରୁତର ହୋଇ ଚିକିତ୍ସିତ ହେଉଛନ୍ତି । ହାଇଦ୍ରାବାଦର ବଞ୍ଜାରା ହିଲ୍ସରେ ଘଟିଛି ଏ ଘଟଣା।
ମୃତ ମହିଳାଙ୍କ ପରିବାର ଅଭିଯୋଗ କରିଛନ୍ତି ଯେ, ମୋମୋ ଖାଇ ଘରକୁ ଫେରିବା ପରେ ମହିଳାଙ୍କ ସ୍ବାସ୍ଥ୍ୟାବସ୍ଥା ବିଗିଡ଼ିଥିଲା। ତୁରନ୍ତ ତାଙ୍କୁ ଡାକ୍ତରଖାନା ନିଆଯାଇଥିଲେ ବି ଚିକିତ୍ସିତ ଅବସ୍ଥାରେ ତାଙ୍କର ସୋମବାର ମୃତ୍ୟୁ ହୋଇଥିଲା। ମହିଳା ଏବଂ ଅସୁସ୍ଥ ହୋଇଥିବା ଲୋକମାନେ 'ଦିଲ୍ଲୀ ମୋମୋସ୍' ନାମକ ଏକ ଖାଦ୍ୟ ଷ୍ଟଲରୁ ମୋମୋ ଖାଇଥିଲେ।
ମହିଳାଙ୍କ ମୃତ୍ୟୁ ପରେ ପୁଲିସ ଷ୍ଟଲ ଚଳାଉଥିବା ଲୋକଙ୍କୁ ଗିରଫ କରିଛି । ଅଭିଯୁକ୍ତଙ୍କୁ ଗିରଫ କରି ଯାଞ୍ଚ କରିବାରୁ ଅଭିଯୁକ୍ତଙ୍କ ପାଖରେ ଷ୍ଟଲ ଖୋଲିବା ପାଇଁ ବୈଧ ଲାଇସେନ୍ସ ନଥିବା ଜଣାପଡ଼ିଥିଲା। ଏହି ଘଟଣା ପରେ ଲାଇସେନ୍ସ ନଥିବା ରାସ୍ତାକଡ଼ର ଷ୍ଟଲରୁ ଖାଦ୍ୟ ଖାଇବା ସମୟରେ ସତର୍କତା ଅବଲମ୍ବନ କରିବାକୁ ପୁଲିସ ଅଧିକାରୀମାନେ ପରାମର୍ଶ ଦେଇଛନ୍ତି।
ଏହାପରେ ଲୋକଙ୍କ ଭିତରେ ଭୟ ସଞ୍ଚାର ହୋଇଛି । ଅସୁସ୍ଥ ହୋଇଥିବା ୧୫ ଜଣଙ୍କ ମଧ୍ୟରୁ କିଛି ଲୋକଙ୍କ ସ୍ୱାସ୍ଥାବସ୍ଥାରେ ସୁଧାର ହୋଇଛି । ତଥାପି ପୁଲିସ ସତର୍କ ରହିବାକୁ ପରାମର୍ଶ ଦେଇଛି ।
Powered by Froala Editor
