ଆଜି କଳିଙ୍ଗ ଷ୍ଟାଡିୟମ୍ ପରିସର ରେ ଥିବା ଟେନିସ ସେଣ୍ଟର୍  ଅଡିଟୋରିୟମ ଠାରେ ସ୍ପୋର୍ଟସ ଲଗଅନ୍ ପୁରସ୍କାର ୨୦୨୪  ପ୍ରଦାନ  ଉତ୍ସବ ବହୁ ଆଡ଼ମ୍ବର ରେ ଶେଷ ହୋଇଛି।  ୫ଟି ବର୍ଗରେ  ସ୍ପୋର୍ଟସ ଲଗଅନ ପୁରସ୍କାର ପ୍ରଦାନ କରାଯାଉଛି। ସେହି ପୁରସ୍କାର ମଧ୍ୟରୁ ଗୋଟିଏ ହେଉଛି  କୁମୁଦିନୀ ମିଶ୍ର କ୍ରୀଡା ପ୍ରତିଭା ପୁରସ୍କାର। ଏହି ପୁରସ୍କାର  ଗ୍ରହଣ କରିଚନ୍ତି ସନ୍ତରଣର ଭବିଷ୍ୟତ ମୋଷ୍ଟ ଟ୍ୟାଲେଣ୍ଟଡ ସୁଇମର୍ ମନତା ମିଶ୍ର । ଏହି ପୁରସ୍କାର ବାବଦକୁ  ୧୫ହଜାର ଟଙ୍କା ଓ ଟ୍ରଫି ପ୍ରଦାନ କରାଯାଇଛି।

ସେହିପରି ସ୍ପୋର୍ଟସ ଲଗଅନ ଉଦିୟମାନ କ୍ରୀଡାବିତ ଭାବେ ପୁରସ୍କାର ଗ୍ରହଣ କଲେ ପାରାଆଥଲେଟ ସୁଚିତ୍ରା ପରିଡ଼ା। ସୁଚିତ୍ରା ୱିଲ ଚେୟାରରେ ବସି ଓଡିଶା ପାଇ। ଅନେକ ଜାତୀୟ ଏବଂ ଆନ୍ତର୍ଜାତୀୟ ପ୍ରତିଯୋଗତା ରେ ପଦକ ଜିଣିଛନ୍ତି।୨୦୨୩ ଓ ୨୪ ବର୍ଷର ସ୍ପୋର୍ଟସ ଲଗଅନ ଶ୍ରେଷ୍ଠ କ୍ରୀଡାବିତ ପୁରସ୍କାର ପାଇଲେ ଆଲିମ୍ପିଆନ ଏସୀୟ କ୍ରୀଡ଼ାରେ ରୌପ୍ୟ ପଦକ ବିଜେତା କିଶୋର ଜେନା। ସେ ଅନୁପସ୍ଥିତ ଥିବା ହେତୁ ତାଙ୍କ ବାପା କିଶୋର ଜେନା ପୁରସ୍କାର ଗ୍ରହଣ କରିଥିଲେ।  ସ୍ପୋର୍ଟସ ଲଗଅନ କୋଚ୍  ପୁରସ୍କାର ପାଇଲେ   ଶୁଭେନ୍ଦୁ ପଣ୍ଡା । ଓଡିଶା ଫୁଟବଲ ର ଚିତ୍ର ବଦଳାଇ ଥିବା ଏବଂ  ଭାରତୀୟ ଜୁନିଅର ଫୁଟବଲ୍ ଦଳର କୋଚ୍ ଭାବେ ସଫଳତା ଆଣିଛନ୍ତି।  ସ୍ପୋର୍ଟସ ଲଗଅନ ପ୍ଲେୟାର ଅଫ ଦି ବାଏଗନ୍ ଏରା ପୁରସ୍କାର ପାଇବେ ଓଡିଶା ର ପୂର୍ବତନ ଭଲିବଲ ଖେଳାଳି ଦୁଃଖୀଶ୍ୟାମ ମଲ୍ଲିକ । ସେହି ପୁରସ୍କାର ଗ୍ରହଣ କଲେ ଝିଅ ଆଶା ମଲ୍ଲିକ।

ଏହି ୪କ୍ରୀଡାବିତ୍ ଙ୍କୁ ୨୫ହଜାର ଟଙ୍କା ସହ ଟ୍ରଫି ପ୍ରଦାନ କରାଯାଇଥିଲା।

ସ୍ପୋର୍ଟସ ଲଗଅନ ପୁରସ୍କାର ପ୍ରଦାନ ଉତ୍ସବରେ  ମୁଖ୍ୟ ଅତିଥି ଭାବେ  ବିଜୁ ପଟ୍ଟନାୟକ  ରାଜ୍ୟ ପୋଲିସ ପ୍ରଶିକ୍ଷଣ କେନ୍ଦ୍ରର ର ନିର୍ଦ୍ଦେଶକ ସଞ୍ଜୀବ ପଣ୍ଡା (IPS) SNM  ଗ୍ରୁପର ନିର୍ଦ୍ଦେଶକ ପ୍ରବୋଧ ମହାନ୍ତି, ପୂର୍ବତନ ବିଧାୟକ ଲଳିଟେନ୍ଦୁ ବିଦ୍ୟାଧର ମହାପାତ୍ର, ଅନୁଗୁଳ ସୁକିନ୍ଦା ରେଳବାଇ ଲିମିଟେଡ ଏମ ଡି ଦିଲ୍ଲୀପ ସାମନ୍ତରାୟ, , ସମାଜ ସେବୀ କୁମୁଦିନୀ ମିଶ୍ର ଏବଂ ଦି ନ୍ୟୁ ଇଣ୍ଡିଆନ ଏକ୍ସପ୍ରେସ ରେ ରେସିଡେଣ୍ଟ୍ ଏଡ଼ିଟର ଶିବ ମହାନ୍ତି ଏବଂ କ୍ରୀଡା ସାମ୍ବାଦିକ ତନ୍ମୟ ଦାସ ଉପସ୍ଥିତ ରହି ପୁରସ୍କାର ପ୍ରଦାନ କରିଥିଲେ। 

୨୦୧୨ମସିହାରୁ ସ୍ପୋର୍ଟସ ଲଗଅନ ପୁରସ୍କାର ପ୍ରଦାନ କରାଯାଇ ଆସୁଥିଲା। କରୋନା ଆସିବା ବର୍ଷ ଠାରୁ ପ୍ରାୟ ୪ବର୍ଷ ପୁରସ୍କାର ପ୍ରଦାନ ବନ୍ଦ ରହିଥିଲା।। ଦୀର୍ଘ  ୪ବର୍ଷ ବ୍ୟବଧାନ ପରେ ପୁଣି ଥରେ ଏହି ବର୍ଷ ସ୍ପୋର୍ଟସ ଲଗଅନ ପୁରସ୍କାର ପ୍ରଦାନ କରାଯାଇଥିଲା।

Powered by Froala Editor