ମହାନଦୀରେ ବୁଡ଼ି ଯାଇଥିବା ଦୁଇ ନାବାଳକଙ୍କ ମୃତଦେହ ଠାବ
ସମ୍ବଲପୁର: ମହାନଦୀରେ ବୁଡ଼ି ଯାଇଥିବା ଦୁଇ ନାବାଳକଙ୍କ ମୃତଦେହ ଉଦ୍ଧାର ହୋଇଛି। ଆଜି ସକାଳେ ସର୍ଚ୍ଚ ଅପରେସନ୍ ବେଳେ ଉଭୟଙ୍କ ମୃତଦେହ ଠାବ କରିଛି ଅଗ୍ନିଶମ ବାହିନୀ। ଗତକାଲି ସମ୍ବଲପୁର ସହରର କ୍ଷେତରାଜପୁର ଥାନା ଅଧୀନ ଧୋବାପଡ଼ା ଘାଟରେ ବୁଡ଼ିଯାଇ ୨ ନାବାଳକ ନିଖୋଜ ହୋଇଥିଲେ। ନିଖୋଜ ଦୁଇ ନାବାଳକ ହେଲେ ଏସ୍ କନିତ୍ ଓ ହିମାଂଶୁ ସିଂହ। ଏମାନେ ତିୱାରୀଗଳି ନିବାସୀ ଓ ନବମ ଶ୍ରେଣୀର ଛାତ୍ର ବୋଲି ସ୍ଥାନୀୟ ଲୋକେ କହୁଛନ୍ତି।
ସୂଚନା ଅନୁସାରେ ଗତକାଲି ଅପରାହ୍ଣ ପ୍ରାୟ ୪ଟାର ମହାନଦୀର ଧୋବାଘାଟରେ ୨ ଜଣ ବୁଡ଼ିଯାଉଥିବା ନେଇ ସ୍ଥାନୀୟ ଲୋକେ ଦେଖିଥିଲେ। ଦେଖଣହାରୀମାନେ ଭାବିଥିଲେ ଯେ, ମତ୍ସ୍ୟଜୀବୀମାନେ ବୁଡ଼ି ଯାଉଛନ୍ତି। ସେମାନେ ତୁରନ୍ତ ପୁଲିସକୁ ଖବର ଦେଇଥିଲେ। ଏହା ପରେ ପୁଲିସ ପିସିଆରରୁ ସୂଚନା ପାଇଁ ଅଗ୍ନିଶମ ବାହିନୀର ୬ ଜଣିଆ ଟିମ୍ ଘଟଣାସ୍ଥଳରେ ପହଞ୍ଚି ଥିଲେ। ନିଖୋଜ ୨ ଜଣଙ୍କୁ ଉଦ୍ଧାର କରିବା ପାଇଁ ଅଗ୍ନିଶମ ବାହିନୀ ଉଦ୍ୟମ ଜାରି ରଖିଛନ୍ତି। ସନ୍ଧ୍ୟା ହୋଇ ଯାଇଥିବାରୁ ଉଦ୍ଧାର କାର୍ଯ୍ୟରେ ବାଧା ପହଞ୍ଚିଥିଲା।
Powered by Froala Editor
