ଇରାନ୍ ଓ ଲେବାନନ୍ ସମେତ ଗାଜା ଯୁଦ୍ଧର ତୀବ୍ରତା ବଢ଼ି ବଢ଼ି ଚାଲିଛି । ଇସ୍ରାଏଲ ସେନା ବେରୁଟରେ ଲଗାତାର ହେଜବୁଲ୍ଲାକୁ ଟାର୍ଗେଟ କରୁଛି । ଏହାରି ମଧ୍ୟରେ ଇସ୍ରାଏଲର ସରକାରୀ ଗଣମାଧ୍ୟମ କେଏଏନ୍ ଏବଂ ଅନ୍ୟ ମିଡିଆ ଯୁଦ୍ଧର ପ୍ରସ୍ତୁତିକୁ ନେଇ ବଡ଼ ଖୁଲାସା କରିଛନ୍ତି । ଗଣମାଧ୍ୟମର ରିପୋର୍ଟ ଅନୁଯାୟୀ, ଇସ୍ରାଏଲ ସେନା ଏକାସାଙ୍ଗରେ ଅନେକ ଆତଙ୍କବାଦୀ ଗୋଷ୍ଠୀ ଉପରେ ଏକ ବଡ଼ ଧରଣର ଆକ୍ରମଣ ପାଇଁ ପ୍ରସ୍ତୁତି ଚଳାଇଛନ୍ତି ।

ମିଡିଆ ରିପୋର୍ଟରେ କୁହାଯାଇଛି ଯେ ଇସ୍ରାଏଲ ଉପରେ ଇରାନର କ୍ଷେପଣାସ୍ତ୍ର ଆକ୍ରମଣର ଜବାବରେ ଆଇଡିଏଫ ଇରାନ ଉପରେ ବଡଧରଣର ଆକ୍ରମଣ ପାଇଁ ଯୋଜନା କରୁଛି। ଏଥିପାଇଁ, ବର୍ତ୍ତମାନ ଆଇଡିଏଫ ଏହାର ଲକ୍ଷ୍ୟ ଚୟନ କରୁଛି । ଏହି ରିପୋର୍ଟରେ କୁହାଯାଇଛି ଯେ ଇସ୍ରାଏଲର ଅଧିକାରୀମାନେ ସେମାନଙ୍କ ପାଶ୍ଚାତ୍ୟ ସହଯୋଗୀମାନେ ଏହି ଆକ୍ରମଣରେ ଭାଗ ନେବେ ବୋଲି ଆଶା କରୁଛନ୍ତି। ଏହି ଅଂଚଳରେ ଥିବା ଆମେରିକୀୟ ସେନାବାହିନୀର ମୁଖ୍ୟ ଜେନେରାଲ ମାଇକେଲ କୁରିଲା ଅପରେସନ ବିଷୟରେ ଆଲୋଚନା କରିବା ପାଇଁ ଇସ୍ରାଏଲରେ ପହଂଚିଛନ୍ତି ।

ହେଜବୁଲ୍ଲା ବିରୋଧରେ ଇସ୍ରାଏଲର ଆକ୍ରମଣ ଜାରି ରହିଛି । ଆଇଡିଏଫର ଆକ୍ରମଣରେ ହେଜବୁଲ୍ଲାର ମୁଖ୍ୟ ହାସନ ନସରଲ୍ଲାହ ଏବଂ ତାର ଉତ୍ତରାଧିକାରୀର ମୃତ୍ୟୁ ହୋଇଛି । ଏହାକୁ ବିରୋଧ କରି ଇରାନ୍ ଇସ୍ରାଏଲ ଉପରେ ମିସାଇଲ ଆକ୍ରମଣ କରିଥିଲା । ଆଉ ଏହାର ପ୍ରତିଜବାବ ଦେବାକୁ ଯୋଜନା କରୁଛି ଇସ୍ରାଏଲ ।

Powered by Froala Editor