ଜାତୀୟ ସୁପର କମ୍ପ୍ୟୁଟିଂ ମିଶନ (NSM) ଅଧୀନରେ ପ୍ରାୟ 130 କୋଟି ଟଙ୍କା ବ୍ୟୟରେ ନିର୍ମିତ ତିନୋଟି ସ୍ୱଦେଶୀ ବିକଶିତ ପରାମ ରୁଦ୍ର ସୁପର କମ୍ପ୍ୟୁଟର ଲଞ୍ଚ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଏହି ଅବସରରେ ମୋଦୀ କହିଛନ୍ତି ଯେ ସୁପର କମ୍ପ୍ୟୁଟର ନିର୍ମାଣ କ୍ଷେତ୍ରରେ ଭାରତ ଏବେ ବିଶ୍ବର ଏକ ଅଗ୍ରଣୀ ଦେଶ । ଦେଶରେ ୨୦୧୫ରେ ନ୍ୟାସନାଲ ସୁପର କମ୍ପ୍ୟୁଟିଂ ମିଶନ  ଆରମ୍ଭ ହୋଇଥିଲା ।

ଅତ୍ୟାଧୁନିକ ବୈ ଜ୍ଞାନିକ ଅନୁସନ୍ଧାନକୁ ସୁଗମ କରିବା ପାଇଁ ଏହି ସୁପର କମ୍ପ୍ୟୁଟରଗୁଡିକ ପୁନେ, ଦିଲ୍ଲୀ ଏବଂ କୋଲକାତାରେ ନିୟୋଜିତ କରାଯାଇଛି । ଏହି ସୁପର କମ୍ପ୍ୟୁଟର ଅତ୍ୟନ୍ତ ଦ୍ରୁତ ଏବଂ ଶକ୍ତିଶାଳୀ କମ୍ପ୍ୟୁଟର ଅଟନ୍ତି । ମାତ୍ର କିଛି କ୍ଷଣ ମଧ୍ୟରେ 5 ଶହ ବର୍ଷର କାଲକୁଲେସନ କରିପାରିବାର କ୍ଷମତା ରହିଛି ।

ଏହି କମ୍ପ୍ୟୁଟରଗୁଡ଼ିକରେ ଅତ୍ୟାଧୁନିକ ଅତ୍ୟାଧୁନିକ ହାର୍ଡୱେର୍ ଏବଂ ସଫ୍ଟୱେର ଟେକ୍ନୋଲୋଜି ବ୍ୟବହାର କରାଯାଇଛି। ଏହାର ଅଧିକାଂଶ ଉପାଦାନ ଭାରତରେ ଉତ୍ପାଦନ ଓ ଆସେମ୍ବଲ୍ କରାଯାଇଛି। ଏକ ସୁପର କମ୍ପ୍ୟୁଟର ସେହି କାର୍ଯ୍ୟଗୁଡ଼ିକୁ ସମ୍ପୂର୍ଣ୍ଣ କରିପାରିବ ଯାହା ନିୟମିତ କମ୍ପ୍ୟୁଟର ପାଇଁ ୫୦୦ ବର୍ଷ ସମୟ ନେବ । ଦେଶ ପାଇଁ ଏହି ସୁପର କମ୍ୟୁଟରର ଉପଲବ୍ଧି ମାଇଲ ଷ୍ଟୋନ ହୋଇ ରହିବ ବୋଲି ପ୍ରଧାନମନ୍ତ୍ରୀ କହିଛନ୍ତି ।

Powered by Froala Editor