ଇତିହାସ ସୃଷ୍ଟି କରିଛି ହରର୍-କମେଡି ସିନେମା 'ସ୍ତ୍ରୀ-୨' । ରାଜକୁମାର ରାଓ ଏବଂ ଶ୍ରଦ୍ଧା କପୁରଙ୍କ ଅଭିନୀତ ଏହି ସିନେମା ବର୍ତ୍ତମାନ ବିଶାଳ ରେକର୍ଡ ନିଜ ନାମରେ କରିଛି । ବକ୍ସ ଅଫିସରେ ହିନ୍ଦୀ ସିନେମାରେ ସବୁଠାରୁ ଅଧିକ ଆୟ କରିଥିବା ଫିଲ୍ମ ତାଲିକାରେ ଶୀର୍ଷ ସ୍ଥାନ ହାସଲ କରିଛି ।

ଅଗଷ୍ଟ ୧୫ରେ ପ୍ରେକ୍ଷାଳୟରେ ତିନୋଟି ବଡ ଚଳଚ୍ଚିତ୍ର 'ସ୍ତ୍ରୀ-୨', 'ଖେଲ ଖେଲ ମେଁ' ଏବଂ 'ବେଦା' ରିଲିଜ୍ ହୋଇଥିଲା। ସମସ୍ତ ତିନୋଟି ଚଳଚ୍ଚିତ୍ରରେ ବଲିଉଡର ବଡ଼ ବଡ଼ କଳାକାର କାମ କରିଥିବା ବେଳେ ବଲିଉଡ ଅଭିନେତା ଅକ୍ଷୟ କୁମାର ଓ ଜନ୍ ଆବ୍ରାହିମଙ୍କୁ ଟକ୍କର ଦେଇ ଆଗେଇ ଚାଲିଥିଲେ ରାଜକୁମାର ରାଓ। ଅର୍ଥାତ୍ ତାଙ୍କ ଅଭିନୀତ ଫିଲ୍ମ 'ସ୍ତ୍ରୀ-୨' ଏବେ ଅନେକ ବଡ଼ ବଜେଟ ଫିଲ୍ମର ରେକର୍ଡ ଭାଙ୍ଗିଥିଲା।

ଏହି ରେକର୍ଡ ଭାଙ୍ଗିବା ସହ 'ସ୍ତ୍ରୀ-୨' ବଲିଉଡ ବାଦଶାହ ଶାହରୁଖ ଖାନଙ୍କ ସୁପରହିଟ ମୋଭି 'ଜୱାନ'କୁ ମଧ୍ୟ ପଛରେ ପକାଇଛି । ବର୍ତ୍ତମାନ ହିନ୍ଦୀ ସିନେମା ଇଣ୍ଡଷ୍ଟ୍ରିର ସବୁଠାରୁ ଅଧିକ ଆୟ କରିଥିବା ଫିଲ୍ମ ପାଲଟିଛି 'ସ୍ତ୍ରୀ-୨' ।

ଫିଲ୍ମଟି କେବଳ ଭାରତରେ ୫୮୫.୮୫କୋଟି ଆୟ କରି ନଂ ୧ ହିନ୍ଦୀ ଫିଲ୍ମ ହୋଇପାରିଛି। ଜାତୀୟ ଗଣମାଧ୍ୟମ ଅନୁଯାୟୀ, ଫିଲ୍ମଟି ମଙ୍ଗଳବାର ୨.୫୦କୋଟି ଆୟ କରିବା ପରେ ଭାରତରେ ଏହାର ମୋଟ ଆୟ ୫୮୫.୮୫କୋଟି ହୋଇଥିଲା। ବାଦଶାହ ଶାହରୁଖ ଖାନଙ୍କ ଫିଲ୍ମ 'ଯବାନ' କେବଳ ଭାରତରେ ୫୮୪କୋଟି ଆୟ କରି ନଂ ୧ ହିନ୍ଦୀ ଫିଲ୍ମ ହୋଇ ରହିଥିବା ବେଳେ ଏବେ କିଙ୍ଗ ଖାନଙ୍କ ରେକର୍ଡ ଭାଙ୍ଗିଛନ୍ତି ଶ୍ରଦ୍ଧା କପୁର ଓ ରାଜକୁମାର ରାଓ।

Powered by Froala Editor