ହୃଦ୍ଘାତରେ ଟେଲିଭିଜନ ଅଭିନେତାଙ୍କ ମୃତ୍ୟୁ, ଏକା ହୋଇଗଲେ ଜାଆଁଳା ଝିଅ ଓ ପତ୍ନୀ
ଟିଭି ଇଣ୍ଡଷ୍ଟ୍ରିରୁ ଦୁଃଖଦ ଖବର ଆସିଛି। ଜଣାଶୁଣା ଅଭିନେତା ବିକାଶ ସେଠିଙ୍କ ମାତ୍ର ୪୮ବର୍ଷ ବୟସରେ ଦେହାନ୍ତ ହୋଇଯାଇଛି। ବିକାଶ ସେଠୀଙ୍କ ଅକାଳ ବିୟୋଗ ହେତୁ ଟିଭି ଇଣ୍ଡଷ୍ଟ୍ରିରେ ଶୋକର ଲହରୀ ଖେଳିଯାଇଛି।
ବିକାଶ ସେଠୀ ୧୦ରୁ ଅଧିକ ଟେଲିଭିଜନ ଧାରାବାହିକରେ ଅଭିନୟ କରିଥିଲେ। ସେଗୁଡ଼ିକ ମଧ୍ୟରେ ରହିଛି- କ୍ୟୁଁକି ଶାଶ୍ ଭି କଭି ବହୂ ଥୀ, କହିଁ ତୋ ହୋଗା, କ୍ୟୁଁ ହୋତା ହୈ ପ୍ୟାର, କସୌଟୀ ଜିନ୍ଦେଗୀ କୀ, ହମାରୀ ବେଟିୟୋଁ କା ବିବାହ, ଉତ୍ତରନ, ସଂସ୍କାର ଲକ୍ଷ୍ମୀ, ଗୀତ- ହୁଇ ସବ୍ସେ ପରାଈ, ଦୋ ଦିଲ୍ ବନ୍ଧେ ଏକ ଡୋରି ସେ, ୟେ ବାଦା ରାହା ଓ ଶଶୁରାଲ ସୀମର କା। ସେହିପରି ଦୀୱାନାପନ, କଭି ଖୁସି କଭି ଗମ୍, ଉପ୍ସ ଓ ଆଇ ସ୍ମାର୍ଟ ଶଙ୍କର ଆଦି ଚଳଚ୍ଚିତ୍ରରେ ଅଭିନୟ କରିଥିଲେ।
କୁହାଯାଉଛି ଯେ, ହୃଦଘାତ ପାଇଁ ତାଙ୍କର ଦେହାନ୍ତ ହୋଇଛି । ଶୋଇଥିବା ସମୟରେ ତାଙ୍କର ହୃଦଘାତ ହୋଇଥିଲା, ଏହି କାରଣରୁ ତାଙ୍କୁ ବଞ୍ଚାଯାଇ ପାରିନଥିଲା।
ସୂଚନା ଅନୁଯାୟୀ, ବିକାଶ ତାଙ୍କ ପଛରେ ପତ୍ନୀ ଜାହ୍ନବୀ ଓ ସେମାନଙ୍କ ଯମଜ ସନ୍ତାନଙ୍କୁ ଛାଡ଼ିଯାଇଛନ୍ତି। ଏହି ଖବର ଏବେ ସାମ୍ନାକୁ ଆସିଥିଲେ ବି ବିକାଶଙ୍କ ପତ୍ନୀ ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ଦେଇନାହାନ୍ତି । ବିକାଶ ସେଠୀ ଆର୍ଥିକ ସମସ୍ୟା ଦେଇ ଗତି କରୁଥିଲେ। ସେଥିପାଇଁ ସେ ମାନସିକ ଚାପ ଭିତରେ ରହୁଥିଲେ।
Powered by Froala Editor
