ଶୁକ୍ରବାର ଅନୁଷ୍ଠିତ ‘ବିଗ୍‌ ବସ୍‌ ଓଟିଟି ୩’ର ଫାଇନାଲରେ ସନା ମକବୁଲ ଟ୍ରଫି ଜିତିଛନ୍ତି। ଦେଢ ମାସ ଧରି ଚାଲିଥିବା ଏହି ସୋ ଶେଷରେ ଏହାର ବିଜେତା ପାଇଛି । ସନା ମକବୁଲଙ୍କ ସହ କ୍ରିତିକା ମଲିକ, ରଣଭୀର ଶୋରେ, ରାପର ନାଜି ଏବଂ ସାଇ କେଟାନ ୫ଜଣ ଫାଇନାଲିଷ୍ଟ ହୋଇଥିଲେ । କିନ୍ତୁ ସନା ମକବୁଲ ସମସ୍ତଙ୍କୁ ପଛରେ ପକାଇ ଟ୍ରଫି ହାତେଇଛନ୍ତି । ଏପରି ଭାବେ ରାପର ନାଜି ପ୍ରଥମ ଏବଂ ରଣଭୀର ଶୋରେ ଦ୍ୱିତୀୟ ରନର୍‌ ଅପ୍‌ ହୋଇଛନ୍ତି । ଏହା ସହ ସନାଙ୍କୁ ଟ୍ରଫି ସହିତ ୨୫ ଲକ୍ଷ ଟଙ୍କା ପୁରସ୍କାର ରାଶି ମିଳିଛି । ପ୍ରଶଂସକମାନେ ତାଙ୍କୁ ସୋସିଆଲ ମିଡିଆରେ ଅଭିନନ୍ଦନ ଜଣାଉଛନ୍ତି।

ସନା ଜଣେ ପ୍ରସିଦ୍ଧ ଟିଭି ଅଭିନେତ୍ରୀ। ସେ ତେଲୁଗୁ ଏବଂ ତାମିଲ ଚଳଚ୍ଚିତ୍ରରେ ମଧ୍ୟ କାମ କରିଛନ୍ତି। ସେ ୨୦୦୯ରେ ‘MTV scotty teen diva’ରେ ଭାଗ ନେଇଥିଲେ। ୨୦୨୧ରେ ଖତରୋ କେ ଖିଲାଡି ୧୧ରେ ସନାଙ୍କୁ ମଧ୍ୟ ଦେଖିବାକୁ ମିଳିଥିଲା। ଏହା ପରେ ଟିଭି ପରଦାରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ । କିନ୍ତୁ ଏହି ସୋ ଶେଷ ହେବା ପରେ ସେ ଦୁଇ ବର୍ଷ ପର୍ଯ୍ୟନ୍ତ ଉଭୟ ଅଭିନୟ ଏବଂ ରିଆଲିଟି ସୋ ଠାରୁ ଦୂରରେ ରହିଥିଲେ । ତାଙ୍କ ଜୀବନରେ ବଡ ପରିବର୍ତ୍ତନ ହେତୁ ତାଙ୍କୁ କାମରୁ ଦୂରରେ ରହିବାକୁ ପଡିଥିଲା । ଲଗାତାର ଦୁଇ ବର୍ଷ ପରଦାକୁ ନଆସିବା ପରେ ସନା ମକବୁଲ ଏହା କରିବା ପାଇଁ ଏକ ଆଶ୍ଚର୍ଯ୍ୟଜନକ କାରଣ ଦେଇଥିଲେ । ତେବେ ସନା ଏକ ଗୁରୁତର ରୋଗରେ ପୀଡିତ ଥିଲେ । ସାଉଥ୍‌ ସିନେମାର ଜଣାଶୁଣା ଅଭିନେତ୍ରୀ ସାମନ୍ଥା ରଥ ପ୍ରଭୁଙ୍କ ପରି ସନା ମକବୁଲ୍ ମଧ୍ୟ ଏକ ଅଟୋମ୍ୟୁମ୍ୟୁନ୍ ରୋଗରେ ପୀଡିତ ହୋଇଥିଲେ ।

Powered by Froala Editor