ନକଲି ସସ୍ କାରଖାନାରେ ଚଢଉ : ନା ଚିଲି ନା ଟମାଟୋ, କେବଳ ରାସାୟନିକ ରଙ୍ଗ
ରାଜଧାନୀରେ ନକଲି ସସ୍ ପ୍ରସ୍ତୁତ କାରଖାନା ଉପରେ ଚଢ଼ାଉ କରାଯାଇଛି । ବିପୁଳ ପରିମାଣର ନକଲି ଚିଲି ସସ୍ ଓ ଟମାଟୋ ସସ୍ ପ୍ରସ୍ତୁତ ହେଉଥିବା ବେଳେ ଏହି ଚଢ଼ାଉ କରାଯାଇଥିଲା । ୟୁରିଆ ସାର, ଚାଉଳ ଗୁଣ୍ଡ, ଆର୍ଟିଫିସିଆଲ୍ କଲରରେ ଟମାଟୋ, ଚିଲି ଓ ସୋୟା ସସ୍ ତିଆରି ହେଉଛି। ଏହି ଖବର ସାମ୍ନାକୁ ଆସିବା ପରେ ରାଜଧାନୀରେ ହଇଚଇ ସୃଷ୍ଟି ହୋଇଛି।
ସୂଚନାରୁ ପ୍ରକାଶ ଭୁବନେଶ୍ୱରରେ ଫାଷ୍ଟଫୁଡ୍ ଦୋକାନରେ ନକଲି ସସ୍ ବ୍ୟବହାର ହେଉଥିଲା। ଏ ନେଇ ଅଭିଯୋଗ ଆସିବା ପରେ ତତ୍ପର ହୋଇଥିଲେ ଖାଦ୍ୟ ସୁରକ୍ଷା ଅଧିକାରୀ। କମିଶନରେଟ୍ ପୁଲିସ୍ ଓ ଖାଦ୍ୟ ସୁରକ୍ଷା ଅଧିକାରୀ ମିଳିତ ଭାବେ ଭୀମଟାଙ୍ଗିରେ ଚାଲିଥିବା ଏକ ନକଲି ସସ୍ ଫ୍ୟାକ୍ଟ୍ରି ଉପରେ ଚଢ଼ାଉ କରିଥିଲା । ଏହି ନକଲି ସସ୍ ଫ୍ୟାକ୍ଟ୍ରି ବିନା ଲାଇସେନ୍ସରେ ବେଆଇନ୍ ଭାବେ ଚାଲିଥିବା ଜଣାପଡ଼ିଛି । କେମିକାଲ ରଂଗ ଓ ଫ୍ଲେଭର ଦେଇ ସସ୍ ପ୍ରସ୍ତୁତ ହେଉଥିଲା ଟମାଟୋ ଓ ଚିଲି ସସ୍ । ଭୁବନେଶ୍ୱର, କଟକ ଓ ପୁରୀରେ ଏହି ନକଲି ସସ୍ ସପ୍ଲାଇ କରାଯାଉଥିବା ଜଣାପଡ଼ିଛି ।
Powered by Froala Editor
