ସର୍ବଦଳୀୟ ବୈଠକକୁ ଆସିଲାନି କଂଗ୍ରେସ, କ୍ଷୋଭ ପ୍ରକାଶ କଲେ ତାରା
ଭୁବନେଶ୍ବର: ଆସନ୍ତା ସୋମବାର (ଜୁଲାଇ ୨୨) ସପ୍ତଦଶ ବିଧାନସଭା ଆରମ୍ଭ ହେବ। ଏଥିପାଇଁ ରବିବାର ବାଚସ୍ପତି ସୁରମା ପାଢ଼ୀଙ୍କ ଅଧ୍ୟକ୍ଷତାରେ ସର୍ବଦଳୀୟ ବୈଠକ ବସିଥିଲା। ଏଥିରେ ଶାସକ ଦଳର ମୁଖ୍ୟମନ୍ତ୍ରୀ, ଦୁଇ ଉପମୁଖ୍ୟମନ୍ତ୍ରୀ, ସଂସଦୀୟ ବ୍ୟାପାର ମନ୍ତ୍ରୀ, ବରିଷ୍ଠ ନେତାଙ୍କ ସମେତ ବିରୋଧୀ ବିଜେଡିର ମୁଖ୍ୟ ସଚେତତ ଯୋଗଦେଇଥିଲେ। କିନ୍ତୁ ବୈଠକକୁ ଆସି ନ ଥିଲେ କଂଗ୍ରେସ କି ସିପିଏମ। ସଂସଦୀୟ ବ୍ୟାପାର ମନ୍ତ୍ରୀ ମୁକେଶ ମହାଲିଙ୍ଗ ପିସିସି ସଭାପତି ଏବଂ ସିପିଏମ ବିଧାୟକ ଲକ୍ଷ୍ମଣ ମୁଣ୍ଡାଙ୍କୁ ବୈଠକକୁ ନିମନ୍ତ୍ରଣ କରିଥିଲେ। କିନ୍ତୁ ସେମାନେ ଯୋଗଦେଇ ନ ଥିଲେ। ତେବେ ବୈଠକରେ କଂଗ୍ରେସ ଯୋଗ ନ ଦେବାକୁ ନେଇ କ୍ଷୋଭ ପ୍ରକାଶ କରିଛନ୍ତି କଂଗ୍ରେସର ବରିଷ୍ଠ ନେତା ତଥା ବିଧାୟକ ତାରା ପ୍ରସାଦ ବାହିନୀପତି।
Powered by Froala Editor
