ରକୁଲ ପ୍ରୀତ ସିଂହଙ୍କ ଭାଇ ଅମନ ଗିରଫ
ଡ୍ରଗ୍ସ ମାମଲାରେ ବଲିଉଡ୍ ଅଭିନେତ୍ରୀ ରକୁଲପ୍ରୀତ ସିଂହଙ୍କ ଭାଇ ଅମନପ୍ରୀତ ସିଂହ ଓ ଅନ୍ୟ ୪ ଜଣଙ୍କୁ ହାଇଦ୍ରାବାଦ ପୁଲିସ ଗିରଫ କରିଛି। ତେଲେଙ୍ଗାନା ଆଣ୍ଟି ନାର୍କୋଟିକ୍ସ ବିଭାଗ ହାଇଦ୍ରାବାଦକୁ ୨.୬ କେଜି କୋକେନ୍ ବିକ୍ରି ପାଇଁ ଚୋରା ଚାଲାଣ ହେଉଥିବା ଜାଣିବା ପରେ ଅନ୍ୟ ଅଭିଯୁକ୍ତଙ୍କ ସହ ଅମନଙ୍କୁ ଗିରଫ କରାଯାଇଥିଲା। ଅମନ ପ୍ରୀତ ସିଂହ, ଅନିକେତ ରେଡ୍ଡୀ, ପ୍ରସାଦ, ମଧୂସୁଦନ ଏବଂ ନିଖିଲ ଦମନଙ୍କ ବାବେ ପରିଚିତ କରାଯାଇଥିବା ସମସ୍ତଙ୍କୁ ମେଡିକାଲ ଯାଞ୍ଚ ପରେ କୋର୍ଟରେ ହାଜର କରାଯିବ ।
ରାଜେନ୍ଦ୍ର ନଗର ଜୋନର ସାଇବରାବାଦ ପୁଲିସର ଡିସିପି ଶ୍ରୀନିବାସ କହିଛନ୍ତି ଯେ, ଡ୍ରଗ୍ସର କଷ୍ଟମର ଭାବେ ଆମେ ପାଞ୍ଚଜଣଙ୍କୁ ଗିରଫ କରି ପୁଲିସ ଷ୍ଟେସନ ନେଇଆସିଛୁ । ପରିସ୍ରା ଟେଷ୍ଟ ପରେ, ସମସ୍ତେ ପଜିଟିଭ ଆସିଛନ୍ତି । ସମସ୍ତଙ୍କୁ ହେପାଜତରେ ନିଆଯାଇଛି । ବର୍ତ୍ତମାନ ଆମେ ତାଙ୍କୁ ଅତ୍ୟଧିକ ମେଡିକାଲ ଟେଷ୍ଟ ପାଇଁ ପଠାଉଛୁ । ୨୦୨୨ ଓ ୨୦୨୧ ଡ୍ରଗ୍ସ ଚୋରା ଚାଲାଣ ଓ ବ୍ୟବହାର ମାମଲାରେ ପ୍ରବର୍ତ୍ତନ ନିର୍ଦେଶାଳୟ (ଇଡି) ରକୁଲ ପ୍ରୀତ ସିଂହଙ୍କୁ ମଧ୍ୟ ସମନ କରିଛି।
Powered by Froala Editor
