କୁକୁର ପାଇଁ ରକ୍ତ ଦେବାକୁ ସାହାଯ୍ୟ ମାଗିଲେ ରତନ ଟାଟା
![କୁକୁର ପାଇଁ ରକ୍ତ ଦେବାକୁ ସାହାଯ୍ୟ ମାଗିଲେ ରତନ ଟାଟା](https://odishanewslens.com/news_gallery/30914_1719520743.jpg)
ଟାଟା ଗ୍ରୁପ୍ର ଅଧ୍ୟକ୍ଷ ରତନ ଟାଟା ଇନଷ୍ଟାଗ୍ରାମ ଜରିଆରେ ମୁମ୍ବାଇ ବାସିନ୍ଦାମାନଙ୍କ ନିକଟରୁ ଏକ ସାହାଯ୍ୟ ଲୋଡ଼ିଛନ୍ତି। ତେବେ ଅନେକ ଲୋକଙ୍କ ମନରେ ପ୍ରଶ୍ନ ଉଠୁଥିବ ରତନ ଟାଟାଙ୍କ ଭଳି ଜଣେ ଶିଳ୍ପପତି ରକ୍ତ ପାଇଁ ସାହାଯ୍ୟ ମାଗିବା କ’ଣ ଦରକାର ? କିନ୍ତୁ ସାମାଜିକ ଗଣମାଧ୍ୟମରେ ତାଙ୍କର ଏଭଳି ଏକ ପୋଷ୍ଟ ସମସ୍ତଙ୍କୁ ଯେତିକି ଆଶ୍ଚର୍ଯ୍ୟ କରିଛି ତା’ଠାରୁ ବେଶୀ ଲୋକଙ୍କ ହୃଦୟ ଜିତିଛି। ସେ ତାଙ୍କର ଏକ ସୋସିଆଲ୍ ମିଡିଆ ପୋଷ୍ଟ୍ ଜରିଆରେ ଏକ କୁକରର ଚିକିତ୍ସା ପାଇଁ ରକ୍ତ ଆବଶ୍ୟକତା ସଂପର୍କରେ ଆଲୋକପାତ କରିଛନ୍ତି।
ଗୁରୁତର ପରିସ୍ଥିତିରେ ୭ ମାସର କୁକୁରଟି ସନ୍ଦେହଜନକ ଟିକ୍ ଜ୍ୱର ଏବଂ ଗୁରୁତର ରକ୍ତହୀନତାରେ ପୀଡିତ ଥିବାରୁ ତା’ର ଚିକିତ୍ସା ପାଇଁ ରକ୍ତର ଆବଶ୍ୟକତା ରହିଛି। କୁକୁରଟି ମୁମ୍ବଇ ସହରରେ ଥିବା ଟାଟା ଗ୍ରୁପର ଏକ ପ୍ରାଣୀ ଚିକିତ୍ସାଳୟରେ ଚିକିତ୍ସିତ ହେଉଛି। କୁକୁରର ଚିତ୍ର ସହିତ ଦାତା କୁକୁରମାନଙ୍କ ମଧ୍ୟରେ କି ପ୍ରକାରର ଯୋଗ୍ୟତା ଥିବ ତାହାକୁ ଉଲ୍ଲେଖ କରିଛନ୍ତି। ସେ ନିଜ ଇନଷ୍ଟାଗ୍ରାମ ଷ୍ଟୋରିରେ ‘‘ମୁମ୍ବାଇ, ମୋର ସାହାଯ୍ୟ ଦରକାର।’’ ବୋଲି ଉଲ୍ଲେଖ କରିଛନ୍ତି।
ପଶୁମାନଙ୍କ ପ୍ରତି ରତନ ଟାଟାଙ୍କ କୁକୁର ପ୍ରତି ତାଙ୍କର ପ୍ରେମ ଖୁବ୍ ଅଧିକ। ସେ ପ୍ରାୟତଃ କୁକୁରମାନଙ୍କର ଫଟୋ ପୋଷ୍ଟ କରନ୍ତି ଏବଂ ସେମାନଙ୍କ ଅଧିକାର ପାଇଁ ଦାବି କରନ୍ତି। କୁକୁର ମାନଙ୍କ ପ୍ରତି ରତନ ଟାଟା ତାଙ୍କର ଗଭୀର କରୁଣା ପ୍ରଦର୍ଶନ କରନ୍ତି। ଅନ୍ୟପଟେ ରତନ ଟାଟାଙ୍କ ଏଭଳି ବଦାନ୍ୟତାକୁ ସାମାଜିକ ଗଣମାଧ୍ୟମରେ ଢେର ପ୍ରଶଂସା କରାଯାଇଛି।
Powered by Froala Editor