ଉତ୍ତରାଖଣ୍ଡର ସୀତାଗଞ୍ଜରେ ଏକ ମ୍ୟାକ୍ସ ଗାଡି ଦୁର୍ଘଟଣାରେ ୭ ଜଣଙ୍କ ମୃତ୍ୟ ଘଟିଛି । ଗାଡିଟି ଖାଇରେ ଖସି ପଡିବାରୁ ଘଟଣାସ୍ଥଳରେ ହିଁ ୭ ଜଣଙ୍କ ମୃତ୍ୟୁ ହୋଇଥିଲା । ଆଉ ୭ ଜଣ ଆହତ ହୋଇଥିବା ସୂଚନା ମିଳିଛି ।

ସୂଚନା ଅନୁସାରେ ଭଦକୋଟ ବାସିନ୍ଦା ମହେଶ ଚନ୍ଦ୍ର ପରଗାଇ (୪୦),ସିଡ୍‌କୁଲରେ ଚାକିରୀ କରନ୍ତି। ପରିବାରର ୬ଜଣଙ୍କ ସହ ସେଠାରେ ରହୁନ୍ତି। ପିଲାମାନଙ୍କର ସ୍କୁଲ ଛୁଟିଥିବାରୁ ପିଲାଙ୍କୁ ନେଇ ନିଜ ଗ୍ରାମ ଭଦକୋଟକୁ ଯିବାକୁ ତାଙ୍କ ସ୍ତ୍ରୀ ପାର୍ବତୀ କହିଥିଲେ। ବୁଧବାର ଦିନ ଏହି ଦମ୍ପତି ଚାରି ସନ୍ତାନଙ୍କ ସହ ସୀତାରଗଞ୍ଜରୁ ବସ ଯୋଗେ ହାଲଡୱାନି ଆସିଥିଲେ। ସେଠାରୁ, ଏକ ମ୍ୟାକ୍ସ ଗାଡିରେ ଭଦକୋଟ ଅଭିମୁଖେ ଯାଉଥିଲେ । କିନ୍ତୁ ଏହି ଗାଡ଼ିଟି ଖନ୍‌ସ୍ୟୁ ନାମକ ସ୍ଥାନରେ ଭାରସାମ୍ୟ ହରାଇ ଏକ ଖାଇକୁ ଖସିପଡ଼ିଥିଲା।

ଫଳରେ ମହେଶ ଚନ୍ଦ୍ର ପରଗାଇ (୪୦), ପାର୍ବତୀ ପରଗାଇ (୩୪) ଏବଂ ଝିଅ କବିତା ପରଗାଇ (୧୦)ଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ସେହିପରି ଗାଡ଼ିରେ ଥିବା ଭୁବନ ଚନ୍ଦ୍ର ଭଟ୍ଟ(୩୦), ଉମେଶ ପରଗାଇ, ମମତା ଭଟ୍ଟ ଏବଂ ମହେଶ ଚନ୍ଦ୍ର ରେଖାଡ଼ିଙ୍କ ମୃତ୍ୟୁ ହୋଇଛି। ଅନ୍ୟପକ୍ଷରେ ମହେଶ ଚନ୍ଦ୍ର ପରଗାଇଙ୍କ ତିନି ପୁଅ ପଙ୍କଜ ପରଗାଇ (୧୨), ମନୋଜ ପରଗାଇ (୧୦) ଏବଂ ଲୋକେଶ ପରଗାଇଙ୍କ ସମେତ ୭ ଜଣ ଆହତ ହୋଇଛନ୍ତି। ତେବେ ଖରାଛୁଟି କଟାଇବାକୁ ବାହାରିଥିବା ପରିବାରର ୩ ଜଣଙ୍କ ଶୋଚନୀୟ ମୃତ୍ୟୁ ଯୋଗୁଁ ସମସ୍ତେ ଭାଙ୍ଗି ପଡିଛନ୍ତି ।

Powered by Froala Editor