ଏକ୍ଜିଟ ପୋଲ ରିପୋର୍ଟକୁ ନେଇ ପ୍ରତିକ୍ରିୟା ରଖିଲେ ପ୍ରଶାନ୍ତ କିଶୋର, କହିଲେ ଏହା
![ଏକ୍ଜିଟ ପୋଲ ରିପୋର୍ଟକୁ ନେଇ ପ୍ରତିକ୍ରିୟା ରଖିଲେ ପ୍ରଶାନ୍ତ କିଶୋର, କହିଲେ ଏହା](https://odishanewslens.com/news_gallery/30397_1717320812.jpg)
ନୂଆଦିଲ୍ଲୀ: ଦେଶରେ ସାଧାରଣ ନିର୍ବାଚନ ସରିବା ପରେ ଆସନ୍ତା ୪ ତାରିଖରେ ଭୋଟ ଗଣତି ହେବ। ଏହା ପୂର୍ବରୁ ୧ତାରିଖ ସନ୍ଧ୍ୟାରେ ବିଭିନ୍ନ ଜାତୀୟ ଗଣମାଧ୍ୟମଗୁଡ଼ିକ ପକ୍ଷରୁ ହୋଇଥିବା ଏକ୍ଜିଟ ପୋଲ ସର୍ବେକ୍ଷଣ ସଂକ୍ରାନ୍ତ ରିପୋର୍ଟ ପ୍ରକାଶ ପାଇଛି। ଏଥିରେ ଏନଡିଏ(ଜାତୀୟ ଗଣତାନ୍ତ୍ରିକ ମେଣ୍ଟ) ୩ୟ ଥର କେନ୍ଦ୍ରରେ ସରକାର ଗଠନ କରିବ ବୋଲି କୁହାଯାଇଛି। ମାତ୍ର ଏହି ରିପୋର୍ଟକୁ ନେଇ ପ୍ରତିକ୍ରିୟା ପ୍ରକାଶ କରିଛନ୍ତି ରାଜନୈତିକ ବିଶ୍ଳେଷକ ପ୍ରଶାନ୍ତ କିଶୋର। ସେ ସାମାଜିକ ଗଣମାଧ୍ୟମ ଏକ୍ସ’ରେ ଏକ ପୋଷ୍ଟ କରି ନିଜର ପ୍ରତିକ୍ରିୟା ଦର୍ଶାଇଛନ୍ତି।
ପ୍ରଶାନ୍ତ ଦେଶର ଜନତାଙ୍କୁ ଏଭଳି ଏକ୍ଜିଟ ପୋଲ ସର୍ବେକ୍ଷଣ ଫଳାଫଳରୁ ଦୂରେଇ ରହିବାକୁ ପରାମର୍ଶ ଦେଇଛନ୍ତି। ସେ ଏହାକୁ ଅଦରକାରୀ ବୋଲି ଦର୍ଶାଇବା ସହିତ ନିର୍ବାଚନ ସମୟରେ ନକଲି ସାମ୍ବାଦିକ, ବାହାଦୁରି ମାରୁଥିବା ରାଜନେତା ଏବଂ ଆତ୍ମଘୋଷିତ ବିଶେଷଜ୍ଞମାନଙ୍କ ଦ୍ୱାରା ବିଶ୍ଳେଷଣ କରାଯାଇ ଏକ୍ଜିଟ ପୋଲ୍ ସର୍ବେକ୍ଷଣ ଫଳାଫଳ ପ୍ରକାଶ କରାଯାଇଛି ବୋଲି କହିଛନ୍ତି। ଏହି ଏକ୍ଜିଟ ପୋଲ ଉପରେ ବିଶ୍ୱାସ କରି ନିଜର ବହୁମୂଲ୍ୟ ସମୟ ନଷ୍ଟ ନ କରିବାକୁ ସେ ନିଜ ପୋଷ୍ଟ ଜରିଆରେ ଜନସାଧାରଣଙ୍କୁ ପରାମର୍ଶ ଦେଇଛନ୍ତି।
Powered by Froala Editor