ଆମେରିକୀୟ ଲୋକପ୍ରିୟ ଅଭିନେତା ଜନି ଭେକ୍ଟରଙ୍କୁ ସର୍ବସାଧାରଣରେ ଗୁଳି କରି ହତ୍ୟା କରାଯାଇଛି। ତାଙ୍କୁ ମାତ୍ର ୩୭ ବର୍ଷ ହୋଇଥିଲା। ଭେକ୍ଟର ଅନେକ ଚଳଚ୍ଚିତ୍ର ଏବଂ ଟିଭି ଶୋ’ରେ କାମ କରିଥିଲେ। ଭେକ୍ଟରଙ୍କ ମା’ ମଧ୍ୟ ତାଙ୍କ ପୁଅର ମୃତ୍ୟୁକୁ ନିଶ୍ଚିତ କରିଛନ୍ତି। ଜନି ଭେକ୍ଟରଙ୍କ ମୃତ୍ୟୁ ଖବର ପ୍ରଚାରିତ ହେବା ପରେ ସମଗ୍ର ହଲିଉଡ ଜଗତରେ ଶୋକର ଛାୟା ଖେଳି ଯାଇଛି।

ଭେକ୍ଟର ସାଙ୍ଗମାନଙ୍କ ଶନିବାର ବୁଲିବାକୁ ଲସ୍‌ ଏଞ୍ଜେଲସ୍‌ ଯାଇଥିଲେ। ଉକ୍ତ ସମୟରେ ୩ ଅଜ୍ଞାନ ଯୁବକ ଜନିଙ୍କ କାର୍‌ରୁ କିଛି ସାମଗ୍ରୀ ଚୋରି କରିବାକୁ ଉଦ୍ୟମ କରିଥିଲେ। ଏହା ଦେଖି ତାଙ୍କର ଜଣେ ସାଙ୍ଗ ଜନିଙ୍କୁ ସୂଚନା ଦେଇଥିଲେ। ଜନି କାର୍‌ ନିକଟରେ ପହଞ୍ଚି ଦୁର୍ବୃତ୍ତଙ୍କ ସହ କଥା ହେଉଥିବା ବେଳେ ହଠାତ୍‌ ସେମାନଙ୍କ ମଧ୍ୟରୁ ଜଣେ ତାଙ୍କ ଉପରକୁ ଗୁଳି ଚଳାଇଥିଲେ। ଫଳରେ ଜନି ଅଚେତ ହୋଇ ପଡ଼ି ଯାଇଥିଲେ। ଘଟଣାସ୍ଥଳରୁ ଦୁର୍ବୃତ୍ତମାନେ ଫେରାର ହୋଇ ଯାଇଥିବା ବେଳେ ଜନିଙ୍କୁ ତାଙ୍କ ସହଯୋଗୀମାନେ ତୁରନ୍ତ ମେଡିକାଲରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୁଅର ମୃତ୍ୟୂ ନେଇ ଜନିଙ୍କ ମା’ ସୋଶାଲ ମିଡିଆରେ ସୂଚନା ଦେଇଛନ୍ତି।

ଭେକ୍ଟର ତାଙ୍କ କ୍ୟାରିୟରରେ ସାଇବେରିଆ ଆଣ୍ଡ୍‌ କ୍ରିମିନାଲ୍‌ ମାଇଣ୍ଡସ୍‌, ଆର୍ମି ୱିଭସ, ଦ ଓଏ, ହଲିଉଡ ଗର୍ଲ ଏବଂ ୱେଷ୍ଟୱଲର୍‌ଡ ଭଳି ପ୍ରୋଜେକ୍ଟରେ ଅଭିନୟ କରିଥିଲେ।

Powered by Froala Editor