ଅନନ୍ତ-ରାଧିକାଙ୍କ ପ୍ରି ୱେଡିଂ ସେଲିବ୍ରେସନ : ଜାମନଗର ପରେ ଇଟାଲୀରେ କ୍ରୁଜ ପାର୍ଟି
![ଅନନ୍ତ-ରାଧିକାଙ୍କ ପ୍ରି ୱେଡିଂ ସେଲିବ୍ରେସନ : ଜାମନଗର ପରେ ଇଟାଲୀରେ କ୍ରୁଜ ପାର୍ଟି](https://odishanewslens.com/news_gallery/30182_1716319232.jpg)
ଅନନ୍ତଙ୍କ ବିବାହ ଆସନ୍ତା ଜୁଲାଇରେ ରାଧିକା ମର୍ଚ୍ଚାଣ୍ଟଙ୍କ ସହିତ ହେବ। ବିବାହକୁ ଆଉ କିଛି ମାସ ବାକି ଥିବା ବେଳେ ଅନନ୍ତ ଅମ୍ବାନି ଓ ରାଧିକାଙ୍କ ପ୍ରି ୱେଡିଂ ସେଲିବ୍ରେସନ ଆରମ୍ଭ ହୋଇଯାଇଛି। ପୂର୍ବରୁ ଗୁଜରାଟର ଜାମନଗରରେ ୩ଦିନିଆ ପ୍ରି ୱେଡିଂ ସେଲିବ୍ରେସନ ହୋଇଥବା ବେଳେ ବିଶ୍ବର ଅନେକ ଧନୀକ ବ୍ୟକ୍ତି ଏଥିରେ ସାମିଲ ହୋଇଥିଲେ।
ଜାମନଗର ପରେ ଏବେ ଇଟାଲୀରେ ଅମ୍ବାନୀ ପରିବାର ଆଉ ଏକ ପ୍ରି ୱେଡିଂ ସେଲିବ୍ରେସନ କରିବାକୁ ଯାଉଛନ୍ତି। ଏଥର କ୍ରୁଜରେ ଅତିଥିମାନେ ପାର୍ଟି କରିବେ ବୋଲି ଜଣାପଡ଼ିଛି। କୁହାଯାଉଛି ଯେ, ଦ୍ୱିତୀୟ ପ୍ରି-ୱେଡିଂ ସେଲିବ୍ରେସନ ମେ’ ୨୯ରୁ ଆରମ୍ଭ ହୋଇ ଜୁନ ୧ ଯାଏ ଚାଲିବ। ପ୍ରାୟ ୮୦୦ଅତିଥି ବିଳାସପୂର୍ଣ୍ଣ କ୍ରୁଜ୍ରେ ତିନି ଦିନ ରହି ପାର୍ଟି କରିବେ। ଏହି କ୍ରୁଜଟି ୪୩୮୦କିଲୋମିଟର ଦୂରତା ଅତିକ୍ରମ କରି ଇଟାଲୀରୁ ଦକ୍ଷିଣ ଫ୍ରାନ୍ସକୁ ଯିବ । ଏହା ଜୁନ ୧ରେ ସ୍ୱିଜରଲ୍ୟାଣ୍ଡରେ ଶେଷ ହେବ।
ସୂଚନା ଅନୁସାରେ, ଜୁଲାଇ ୬ରୁ ୧୨ ମଧ୍ୟରେ ମୁମ୍ବାଇରେ ମଧ୍ୟ ବାହାଘର ପାର୍ଟିର ଆୟୋଜନ କରାଯିବ ବୋଲି ଜଣାପଡ଼ିଛି। ବାହାଘର ବେଳେ ପ୍ରାଇଭେସିକୁ ସବୁଠାରୁ ଅଧିକ ଗୁରୁତ୍ୱ ଦିଆଯିବ। କେହି ବି ଫୋନ ବ୍ୟବହାର କରିପାରିବେ ନାହିଁ। ବାହାଘର କାର୍ଯ୍ୟକ୍ରମ ପୂର୍ବରୁ ଅମ୍ବାନୀ ପରିବାର ପକ୍ଷରୁ ଲଣ୍ଡନରେ କ୍ରୁଜ ପାର୍ଟି ଆରମ୍ଭ ହୋଇଛି। ଏହି ପାର୍ଟି ମେ’ ୨୩ ଯାଏ ଚାଲିବ। ମୁକେଶ ଅମ୍ବାନୀ, ନୀତା ଅମ୍ବାନୀ ଓ ଆକାଶ ଅମ୍ବାନୀଙ୍କ ବ୍ୟତୀତ ପରିବାର ବାକି ସଦସ୍ୟ ଏବେ ଲଣ୍ଡନରେ ରହିଛନ୍ତି।
Powered by Froala Editor