ରାୟବରେଲି ଆସନରେ କଂଗ୍ରେସ ପ୍ରାର୍ଥୀ ହୋଇପାରନ୍ତି ରାହୁଲ
ଉତ୍ତରପ୍ରଦେଶର ଆମେଠି ଓ ରାୟବରେଲି ଆସନରେ କଂଗ୍ରେସ ଏଯାଏଁ ପ୍ରାର୍ଥୀ ଦେଇନାହିଁ। ଏହି ଦୁଇଟି ଆସନରେ କଂଗ୍ରେସ କାହାକୁ ପ୍ରାର୍ଥୀ କରିବ ତାକୁ ନେଇ ସସ୍ପେନ୍ସ ଜାରି ରହିଛି।
କିନ୍ତୁ ଏନଡିଟିଭିର ଏକ ରିପୋର୍ଟ ଅନୁଯାୟୀ, ରାହୁଲ ଗାନ୍ଧି ଆମେଥିରୁ ନୁହେଁ ବରଂ ରାୟବରେଲିରୁ ନିର୍ବାଚନ ଲଢ଼ିପାରନ୍ତି । ସେପଟେ ଯଦି ସୂତ୍ରକୁ ବିଶ୍ୱାସ କରାଯାଏ ତେବେ ପ୍ରିୟଙ୍କା ଗାନ୍ଧି ନିର୍ବାଚନ ନ ଲଢିବାର ସମ୍ଭାବନା ରହିଛି । ସେହିପରି ସୂତ୍ର ଅନୁଯାୟୀ, ପ୍ରିୟଙ୍କା ଗାନ୍ଧିଙ୍କ ବର୍ତ୍ତମାନ ନିର୍ବାଚନ ମୈଦାନକୁ ଓହ୍ଲାଇବା ପାଇଁ କୌଣସି ଯୋଜନା କରାଯାଇନାହିଁ।
ଏହାପୂର୍ବରୁ ଶନିବାର ଦିନ ଉତ୍ତରପ୍ରଦେଶର ଅମେଠି ଓ ରାୟବରେଲି ଆସନ ପାଇଁ ଦଳ ତରଫରୁ ଆଉ କିଛି ଦିନ ମଧ୍ୟରେ ଖୁବଶୀଘ୍ର ପ୍ରାର୍ଥୀଙ୍କ ନାଁ ଘୋଷଣା କରାଯିବ ବୋଲି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ କହିଥିଲେ। କଂଗ୍ରେସର ଉତ୍ତରପ୍ରଦେଶର ପ୍ରଭାରୀ ଅବିନାଶ ପାଣ୍ଡେ ଏବଂ ବିଧାନସଭା ଦଳର ନେତା ଆରାଧନା ମିଶ୍ର ରାହୁଲ ଗାନ୍ଧିଙ୍କୁ ଆମେଠିରୁ ଓ ପ୍ରିୟଙ୍କା ଗାନ୍ଧି ଭଦ୍ରା ରାୟବରେଲିରୁ ପ୍ରତିଦ୍ୱନ୍ଦ୍ୱିତା କରିବା ଉଚିତ୍ ବୋଲି ହାଇକମାଣ୍ଡକୁ ଅନୁରୋଧ କରିଛନ୍ତି। ତେବେ କିଏ କେଉଁ ଆସନରୁ ଲଢ଼ିବ ତାହା ଦଳ ତରଫରୁ ଏଯାଏଁ ସ୍ପଷ୍ଟ କରାଯାଇ ନାହିଁ।
Powered by Froala Editor
