ମହାଦେବ ଅନଲାଇନ ବେଟିଂ ଆପ ମାମଲାରେ ଅଭିନେତା ଗିରଫ
ମହାଦେବ ଅନଲାଇନ ବେଟିଂ ଆପ ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରି ମୁମ୍ବାଇ ପୋଲିସ ବର୍ତ୍ତମାନ ୩୨ ଜଣଙ୍କ ବିରୋଧରେ ମାମଲା ରୁଜୁ କରିଛି। ଏହି ଲୋକଙ୍କ ମଧ୍ୟରେ ଅଭିନେତା ସାହିଲ ଖାନଙ୍କ ନାମ ମଧ୍ୟ ଅଛି। ସାଲିହ ଖାନଙ୍କୁ ଛତିଶଗଡର ଜଗଦଲପୁରରୁ ଗିରଫ କରାଯାଇଛି। ସୂଚନାନୁସାରେ, ସାହିଲ ଖାନ ଏକ ବେଟିଂ ସାଇଟ୍ ଚଳାଇବା ଏବଂ ବେଟିଂକୁ ପ୍ରୋତ୍ସାହିତ କରୁଥିବା ଅଭିଯୋଗ ହୋଇଛି ।
ପୋଲିସ ସୂତ୍ର ଅନୁଯାୟୀ, କିଛି ଦିନ ପୂର୍ବରୁ ଏସଆଇଟି ତାଙ୍କୁ ପଚରାଉଚରା କରିଥିଲା। ବମ୍ବେ ହାଇକୋର୍ଟଙ୍କ ଠାରୁ ଆଗୁଆ ଜାମିନ୍ ଏବଂ ଗିରଫଦାରୀରୁ ଆଶ୍ବସ୍ତି ନପାଇବା ପରେ ସାହିଲ ଖାନ ମୁମ୍ବାଇ ଛାଡି ପଳାଇଥିଲେ। ପ୍ରାୟ ୪୦ ଘଣ୍ଟା ଧରି ପିଛା କରିବା ପରେ ପୋଲିସ ସାହିଲଙ୍କୁ ଧରିଥିଲା । ସାହିଲ ଖାନ ବାରମ୍ବାର ନିଜର ସ୍ଥାନ ପରିବର୍ତ୍ତନ କରି ଚାଲିଥିଲେ ।
ସାହିଲ 'ଷ୍ଟାଇଲ' ଏବଂ 'ଏକ୍ସକ୍ୟୁଜ ମି' ଭଳି ମୁଭିରେ ଅଭିନେତା ଭାବରେ କାର୍ଯ୍ୟ କରିଛନ୍ତି। ଏହାପରେ ସେ ଜଣେ ଫିଟନେସ ଏକ୍ସପର୍ଟ ହୋଇଥିଲେ।
ସୂଚନାଯୋଗ୍ୟ, ଲୋଟସ ବୁକ ୨୪/୭ ନାମକ ଏକ ବେଟିଂ ଆପ ୱେବସାଇଟ ରେ ଏହି ଅଭିନେତା ଅଂଶୀଦାର। ଏହା ମହାଦେବ ବେଟିଂ ଆପ ନେଟୱାର୍କର ଏକ ଅଂଶ। ଏହି ବେଟିଂ ଆପ ମାଧ୍ୟମରେ ଲୋକମାନେ ୧୫,୦୦୦କୋଟିରୁ ଅଧିକ ଟଙ୍କା ଠକିଛନ୍ତି। ମାଥୁଙ୍ଗା ପୋଲିସ ଏକ ଅଭିଯୋଗ ପଞ୍ଜିକରଣ କରିଛି ଯେଉଁଥିରେ ଭାରତୀୟ ଦଣ୍ଡବିଧି ସଂହିତା, ଜୁଆ ଖେଳ ଆଇନ, ଆଇଟି ଆକ୍ଟ ଏବଂ ଅଧିକ ତଦନ୍ତ ଚାଲିଛି।
Powered by Froala Editor