ଓଡ଼ିଶା ହକି ଆଡହକ କମିଟି ଅଧ୍ୟକ୍ଷ ହେଲେ ଦିଲ୍ଲୀପ ତିର୍କି
ଦିଲ୍ଲୀପ ତିର୍କି ଓଡ଼ିଶା ହକି ଆଡହକ କମିଟି ଅଧ୍ୟକ୍ଷ ହୋଇଛନ୍ତି । ଝାଡ଼ଖଣ୍ଡର ଭୋଳାନାଥ ସିଂହଙ୍କୁ ଅଧ୍ୟକ୍ଷ ପଦରୁ ହଟାଇ ଦିଲୀପ ତିର୍କିଙ୍କୁ ଅଧ୍ୟକ୍ଷ ଭାବେ ମନୋନୀତ କରାଯାଇଛି ।
କମିଟି ସଦସ୍ୟ ଭାବେ ମନୋନୀତ ହୋଇଛନ୍ତି ଭୋଳାନାଥ ସିଂହ, ରାଜେନ୍ଦ୍ର ପାଣି, ଆର.କେ. ଶ୍ରୀବାସ୍ତବ, ଅଧିପ ଦାସ । ଆଡହକ କମିଟି ଅଧ୍ୟକ୍ଷ ଭାବେ ମନୋନୀତ ହେବା ପରେ ଦିଲୀପ ତିର୍କୀ କହିଛନ୍ତି, ତୃଣମୂଳ ସ୍ତରରୁ ଆହୁରି ଭଲ ଖେଳାଳିକୁ ଚୟନ କରାଯିବ । ଏହାସହ ସେମାନଙ୍କୁ ଉଚ୍ଚ କୋଟିର ପ୍ରଶିକ୍ଷଣ ମଧ୍ୟ ଦିଆଯିବ । ହକିରେ ଓଡ଼ିଶାର ଖେଳାଳିମାନେ ଭଲ ପ୍ରଦର୍ଶନ କରି ଆସିଛନ୍ତି । ଆଗକୁ ମଧ୍ୟ ଭଲ ପ୍ରଦର୍ଶନ କରିବେ । ତେଣୁ ଓଡ଼ିଶାରୁ କିପରି ଅଧିକରୁ ଅଧିକ ଦକ୍ଷ ହକି ଖେଳାଳି ଜାତୀୟ ସ୍ତରରେ ଖେଳିବେ ସେନେଇ ସମସ୍ତ ପ୍ରକାର ପ୍ରଶିକ୍ଷଣ ଦିଆଯିବ ।
Powered by Froala Editor
