ସପିଂ କମ୍ପ୍ଲେକ୍ସରେ ଛୁରାମାଡ଼, ୫ ମୃତ
ନୂଆଦିଲ୍ଲୀ: ଅଷ୍ଟ୍ରେଲିଆର ସିଡନୀ ସହରର ଏକ ବଡ ସପିଂ କମ୍ପ୍ଲେକ୍ସରେ ଛୁରାମାଡ଼ର ଘଟଣା ସାମ୍ନାକୁ ଆସିଛି। ଏହି ଘଟଣାରେ ଆକ୍ରମଣକାରୀ ଅନେକ ଲୋକଙ୍କୁ ଛୁରୀରେ ଆକ୍ରମଣ କରିଥିଲା ବୋଲି କୁହାଯାଉଛି। ପୁଲିସର ସୂଚନାନୁସାରେ ଏହି ଘଟଣାରେ ୫ଜଣଙ୍କର ମୃତ୍ୟୁ ଘଟିଥିବା ସହ ପୁଲିସ ଗୁଳିରେ ଅଭିଯୁକ୍ତର ମୃତ୍ୟୁ ହୋଇଛି।
ଦି ଗାର୍ଜିଆନର ରିପୋର୍ଟ ଅନୁଯାୟୀ ସିଡନୀର ୱେଷ୍ଟଫିଲ୍ଡ ବୋଣ୍ଡି ଜଙ୍କସନ ସପିଂ ସେଣ୍ଟରରେ ଛୁରାମାଡ଼ ଘଟଣା ଘଟିଥିଲା ଯେଉଁଥିରେ ଅନେକ ଲୋକ ଆହତ ହୋଇଛନ୍ତି। ଶନିବାର ଅପରାହ୍ନରେ ସ୍ଥାନୀୟ ସମୟ ଅପରାହ୍ନ ୩.୪୦ ସମୟରେ ଏହି ଘଟଣା ଘଟିଥିଲା । ଏହି ଘଟଣା ପରେ ପୁଲିସକୁ ସୂଚନା ଦିଆଯିବାରୁ ୱେଷ୍ଟଫିଲ୍ଡ ବୋନି ଜଙ୍କସନରେ ପହଞ୍ଚିଥିଲା ପୁଲିସ। ଏଠାରେ ପହଞ୍ଚିବା ପରେ ଅଭିଯୁକ୍ତ ଲୋକଙ୍କୁ ଆକ୍ରମଣ କରୁଥିବା ଦେଖି ପୁଲିସ ତା’ ଉପରକୁ ଗୁଳି ଚଳାଇଥିଲା। ଏହା ପରେ ଅଭିଯୁକ୍ତର ମୃତ୍ୟୁ ହେବାରୁ ଡାକ୍ତରୀ ଟିମ୍ ପହଞ୍ଚି ଆହତଙ୍କ ଚିକିତ୍ସା କରିଥିଲେ। ଏବେ ପର୍ଯ୍ୟନ୍ତ ୫ଜଣକ ମୃତ୍ୟୁ ହୋଇ ସାରିଥିବା ବେଳେ ଆଗକୁ ଏହି ସଂଖ୍ୟା ବଢ଼ିବ ବୋଲି କୁହାଯାଉଛି।
Powered by Froala Editor
