'ମହାଭାରତ'ର ଶ୍ରୀକୃଷ୍ଣ ଅର୍ଥାତ୍ ନୀତୀଶ ଭରଦ୍ୱାଜ ଲୋକଙ୍କୁ ବୁଝାଇଥିଲେ ଯେ ପରିବାର ଛଡା ଆଉ କିଛି ଗୁରୁତ୍ୱପୂର୍ଣ୍ଣ ନୁହେଁ। କୃଷ୍ଣ ଯାହାକୁ ଥରେ ନିଜର ବୋଲି ଗ୍ରହଣ କରିଦେଉଥିଲେ, ସେ ତାଙ୍କୁ ଜୀବନସାରା ସମର୍ଥନ କରୁଥିଲେ। କିନ୍ତୁ, ବାସ୍ତବ ଜୀବନରେ ନୀତୀଶ ଭରଦ୍ୱାଜ ଏହାକୁ ସାର୍ଥକ କରିବାରେ ଅସମର୍ଥ ହୋଇଛନ୍ତି।

ନୀତୀଶ ଭରଦ୍ୱାଜ ତାଙ୍କ ଦ୍ୱିତୀୟ ପତ୍ନୀ ସ୍ମିତାଙ୍କ ବିରୋଧରେ ପୋଲିସ ଅଭିଯୋଗ ଦାଖଲ କରିବା ପରେ ନିକଟରେ ଚର୍ଚ୍ଚାର ବିଷୟ ପାଲଟିଛନ୍ତି। ନିକଟରେ ସେ ନିଜର ଯନ୍ତ୍ରଣା ବ୍ୟକ୍ତ କରିଛନ୍ତି ଏବଂ କହିଛନ୍ତି ଯେ କିପରି ତାଙ୍କ ଝିଅମାନେ ତାଙ୍କ ସହ ବ୍ୟବହାର କରୁଛନ୍ତି ଯାହା ଦ୍ୱାରା ସେ ସମ୍ପୂର୍ଣ୍ଣ ଭାଙ୍ଗି ପଡ଼ିଛନ୍ତି।

ଏକ ସାକ୍ଷାତକାରରେ ସେ ତାଙ୍କ ଝିଅମାନଙ୍କ ବିଷୟରେ କହିଛନ୍ତି ଯେଉଁଥିରେ ତାଙ୍କର ଯନ୍ତ୍ରଣା ସ୍ପଷ୍ଟ ଜଣାପଡିଛି । ସେ କହିଛନ୍ତି ଯେ, ମୁଁ ମୋ ଝିଅମାନଙ୍କ ସହ କଥା ହୋଇପାରୁନାହିଁ । ମୋତେ ବାପା ବୋଲି ଡାକିବାକୁ ସେମାନଙ୍କୁ ଲାଜ ଲାଗୁଛି ।
ଅନ୍-ସ୍କ୍ରିନ୍‌ରେ ସମ୍ପର୍କକୁ ନେଇ ଶ୍ରୀକୃଷ୍ଣ ଅନେକ ଯୁଦ୍ଧ ଲଢିଛନ୍ତି ଏବଂ ସମ୍ପର୍କ ଦ୍ୱାରା ହିଁ ଅନେକ ଯୁଦ୍ଧ ଜିତିଛନ୍ତି। କିନ୍ତୁ, ବାସ୍ତବ ଜୀବନରେ ସେ ଏକ ଗୃହଯୁଦ୍ଧରେ ଧନ୍ଦିହୋଇପଡିଛନ୍ତି। ଦ୍ୱିତୀୟ ବିବାହ ପରେ ସେ କନ୍ୟା ରତ୍ନ ପ୍ରାପ୍ତ କରିଥିଲେ, କିନ୍ତୁ ପରେ ଦିନେ ସବୁକିଛି ଓଲଟପାଲଟ ହୋଇଗଲା।

କିଛି ଦିନ ତଳେ ନୀତୀଶଙ୍କ ପତ୍ନୀ ଅଭିଯୋଗ କରିଥିଲେ ଯେ, 'ମୁଁ ଚାକିରି ଛାଡିଦିଏ ବୋଲି ନୀତୀଶ ଚାହୁଁଥିଲେ। ଯେତେବେଳେ ମୁଁ ଚାକିରି ଛାଡ଼ିବାକୁ ରାଜି ହେଲିନାହିଁ, ସେ ମୋତେ ଛାଡପତ୍ର ମାଗିଥିଲେ। ଛାଡପତ୍ର ପାଇଁ ମୁଁ ରାଜି ହୋଇଯିବାରୁ ସେ ତାଙ୍କର ସହମତି ଦେବା ପାଇଁ ମୋତେ ଟଙ୍କା ମାଗିଥିଲେ। ହେଲେ ମୁଁ ଟଙ୍କା ଦେବାକୁ ମନା କରିବାରୁ ସେ ରାଗରେ ଏଭଳି ମିଛ ଆରୋପ ଲଗାଇବା ଆରମ୍ଭ କରିଛନ୍ତି।

କିଛି ଦିନ ତଳେ ସେ ପିଲାଙ୍କୁ ଭେଟିଥିଲେ। ଫେବ୍ରୁଆରି ୧୩ରେ ସେ ପିଲାଙ୍କୁ ଭେଟିବାକୁ ଆସିବେ ବୋଲି ଯୋଜନା ଥିଲା। ହେଲେ ସେ ଜାଣିଶୁଣି ଭେଟିବାକୁ ନଆସି ଫେବ୍ରୁଆରି ୧୪ରେ ସାମ୍ବାଦିକ ସମ୍ମିଳନୀ ମୁଁ ତାଙ୍କୁ ପିଲାମାନଙ୍କ ସହ ଦେଖା କରିବାକୁ ଦେଉନାହିଁ ବୋଲି କହିଥିଲେ।'

Powered by Froala Editor