ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ଦଳ ଭାରତୀୟ ଜନତା ପାର୍ଟିକୁ ଟଙ୍କା ଦାନ କରିଛନ୍ତି। ଦଳକୁ ଆର୍ଥିକ ରୂପରେ ଅଧିକ ସଶକ୍ତ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ‘ଡୋନେସନ୍ ଫର୍ ନେସନ୍ ବିଲ୍ଡିଂ’ ନାମରେ ଏକ ଅଭିଯାନ ଆରମ୍ଭ କରିଛନ୍ତି। ଏହି କ୍ରମରେ ମୋଦି ପ୍ରଥମେ ନିଜ ଦଳକୁ ୨୦୦୦ ଟଙ୍କା ଚାନ୍ଦା ଦେଇ ଏହାର ରସିଦ ସୋଶାଲ୍ ମିଡିଆରେ ସେୟାର କରିଛନ୍ତି।

ପ୍ରଧାନମନ୍ତ୍ରୀ ତାଙ୍କ ଏକ୍ସ ଆକାଉଣ୍ଟରେ ଦାନ ସ୍ଲିପ୍ ସେୟାର କରି ଲେଖିଛନ୍ତି, “ମୁଁ ବିଜେପିରେ ଯୋଗଦାନ କରି ଆନନ୍ଦିତ ଏବଂ ଏକ ବିକଶିତ ଭାରତ ଗଠନ ପାଇଁ ଆମର ପ୍ରୟାସକୁ ସୁଦୃଢ଼ କରିଛି। 'ବିଜେପିକୁ ଏହି ଯୋଗଦାନ ଦେଇ ଏକ ବିକଶିତ ଭାରତ ନିର୍ମାଣର ପ୍ରୟାସକୁ ଅଧିକ ମଜଭୁତ କରିଥିବାରୁ ଖୁସି ଲାଗୁଛି।' ଏଥିସହ ସମସ୍ତେ NaMoApp ମାଧ୍ୟମରେ ରାଷ୍ଟ୍ର ନିର୍ମାଣ ପାଇଁ ଏହି ଡୋନେସନ୍‌ରେ ଭାଗ ନେବାକୁ ପ୍ରଧାନମନ୍ତ୍ରୀ ଆହ୍ୱାନ ଦେଇଛନ୍ତି।

ଏଥିପାଇଁ ପ୍ରଧାନମନ୍ତ୍ରୀ ନିଜ ଏକ୍ସ ପୋଷ୍ଟରେ ନମୋଆପର ଏକ ଲିଙ୍କ ମଧ୍ୟ ସେୟାର କରିଛନ୍ତି । ଲୋକମାନେ ଏହି ଲିଙ୍କ୍ କୁ ଯାଇ ସିଧାସଳଖ ବିଜେପିକୁ ଦାନ କରିପାରିବେ। ଏହି ଲିଙ୍କ୍ ଉପରେ କ୍ଲିକ୍ କରିବା ପରେ ଆପଣଙ୍କ ସାମ୍ନାରେ ଏକ ପେଜ୍ ଖୋଲିବ। ସେଠାରେ ଉପଲବ୍ଧ ଏକ ଫର୍ମରେ ଦାତାଙ୍କୁ ତାଙ୍କର ସମସ୍ତ ଆବଶ୍ୟକ ବିବରଣୀ ପୂରଣ କରିବାକୁ ପଡିବ ଏବଂ ଏହା ପରେ ତାଙ୍କୁ ତାଙ୍କ ଦାନର ପରିମାଣ ପୂରଣ କରିବାକୁ ପଡିବ ଏବଂ ତା’ପରେ ଗ୍ରହଣ ଉପରେ କ୍ଲିକ୍ କରିବାକୁ ପଡିବ । 

Powered by Froala Editor